රුපියල් කෝටි 13කට අධික වටිනාකමකින් යුත් මත්ද්රව්ය තොගයක් සමග පුද්ගලයෙකු අත්අඩංගුවට ගෙන තිබෙනවා.
මෙම සැකකරුව අද (11) දහවල් පොලිස් විශේෂ කාර්යය බලකාය විසින් අත්අඩංගුවට ගනු ලැබුවේ කහතුඩුව – පොල්ගස්ඕවිට ප්රදේශයේදියි.
සැකකරුව අත්අඩංගුවට ගන්නා අවස්ථාවේ දී ඔහු සතුව හෙරොයින් කිලෝග්රෑම් 05ක්, අයිස් මත්ද්රව්ය කිලෝග්රෑම් 1යි ග්රෑම් 500ක් සහ මත්පෙති 800ක් ද සොයාගෙන තිබෙනවා.
ඩුබායි රාජ්යයේ සැඟවී සිටින කුප්රකට මත්ද්රව්ය ජාවාරම්කාරියකගේ ප්රධාන ගෝලයෙකු මෙලෙස අත්අඩංගුවට ගෙන ඇති බවයි වාර්තා වන්නේ.
සැකකරු නෑබඩ ප්රදේශයේ පදිංචි අවුරුදු 27ක් වන පිලාන කංකානම්ගේ ක්රිශාන් සංජුල හෙවත් “සංජු” නමැති
අයෙකු බවත් අනාවරණය වී තිබෙනවා.
වැඩිදුරටත් සිදු කරනු ලබන ප්රශ්න කිරීමේ දී මෙම මත්ද්රව්ය තොගය ඩුබායි රාජ්යයේ සැඟවී සිටින කුප්රකට මත්ද්රව්ය ජාවාරම්කාරියක වන කාංචනා නම් කාන්තාවකට අයත් බව හෙළි ව තිබෙනවා.
මත්ද්රව්ය තොගය පොල්ගස්ඕවිට ප්රදේශයේ නිවසකින් හමුව ඇති බවත් එම නිවස ඩුබායි හි සැඟව සිටින කාංචනා නමැති මත්ද්රව්ය ජාවාරම්කාරිණිය විසින් කලක සිට කුලී පදනම මත ලබාගෙන මත්ද්රව්ය ගබඩා කර තබා ගන්නා ස්ථානයක් ලෙස යොදා ගනිමින් මෙහි සිට විවිධ ප්රදේශ වෙත මත්දුව්ය බෙදා හැරීම සිදු කොට ඇති බවට ද තොරතුරු අනාවරණය කරගෙන තිබෙනවා.
අත්අඩංගුවට ගන්නා ලද මෙම මත්ද්රව්ය තොගය වැඩිදුර විමර්ශන සදහා මත්ද්රව්ය නාශක කාර්යාංශය වෙත භාර කෙරුණා.
