ලොව ඇති උසම කන්ද වන ‘එවරස්ට්’ කන්දට වඩා රුසියාව සහ ඉන්දියාව අතර ඇති මිත්‍රත්ත්වය උස බව ඉන්දීය ආරක්ෂක අමාත්‍ය රාජ්නාත් සිං මහතා අවධාරණය කර තිබෙනවා.
විදෙස් මාධ්‍ය උපුටනයන් පෙන්වා දෙන්නේ ඊයේ (10) මොස්කව් නුවර වෙත ගොස් ජනාධිපති ව්ලොඩ්මීර් පුටින් ව හමු වූ අවස්ථාවේ දී ඉන්දීය ආරක්ෂක අමාත්‍යවරයා මේ බව සඳහන් කර ඇති බවයි.
ඉන්දීය ආරක්ෂක අමාත්‍ය රාජ්නාත් සිං රුසියානු ජනාධිපති ව්ලැඩිමීර් පුටින් හමු වී ද්විපාර්ශ්වික ආරක්ෂක සහයෝගීතාව පිළිබඳව සාකච්ඡා කර තිබෙනවා.
නායකයන් දෙදෙනාම ශක්තිමත් සහ කල් පවත්නා ඉන්දියා – රුසියා සබඳතාව තහවුරු කළ අතර කැපී පෙනෙන ප්‍රතිඵල සඳහා එහි අවශ්‍යතාව මතු කර බවයි වාර්තා වන්නේ.
සිං ඔහුගේ රුසියානු සහකරු ඇන්ඩ්‍රේ බෙලූසොව් හමු වී, ආරක්ෂක සබඳතා සමාලෝචනය කරමින් සහ භූ දේශපාලනික බලපෑම් නොතකා රුසියාව සමඟ සහයෝගීතාව දියුණු කිරීමට ඉන්දියාවේ කැපවීම යළි තහවුරු කර තිබෙනවා.
