තහනම් මත්ද්රව්ය භාවිත කිරීමේ චෝදනා ඔප්පු වීම මත ක්රිකට් තහනමකට ලක් ව සිටින ශ්රී ලංකා ක්රිකට් කණ්ඩායමේ කඩුලු රකින්නෙකු මෙන් ම පිතිකරුවෙකු වන නිරෝෂන් දික්වැල්ලට ලබා දුන් දඬුවම ලිහිල් කර තිබෙනවා.
ශ්රී ලංකා ක්රිකට් ආයතනය විසින් අදාළ තීරණය ඊයේ (10) දිනයේ දී නිල වශයෙන් ගනු ලැබ ඇති බවයි ආරංචි මාර්ග සඳහන් කළේ.
ලංකා ප්රීමියර් ලීග් තරගාවලියක දී දික්වැල්ල ‘කොකේන්’ නමැති මත්ද්රව්ය භාවිත කරමින් ක්රීඩා කර ඇති බවටයි ඔහුගේ වෛද්ය වාර්තාවලින් තහවුරු වූයේ.
ඒ අනුව ශ්රී ලංකා ක්රිකට් ආයතනය විසින් නිරෝෂන් දික්වැල්ලට වසර 03ක සෑම අතින්ම ක්රිකට්වලට පිවිසීම තහනම් කරනු ලැබුවා.
එම තහනම මාස 03ක් දක්වා අඩු කිරීමටයි ශ්රී ලංකා ක්රිකට් ආයතනය තීරණය කර ඇත්තේ.
ඒ අනුව අද (11) සිට ඔහුට සියලුම ආකාරයේ ක්රිකට් ක්රීඩා කිරීමට සුදුසුකම් ලැබෙන බව සඳහන්.
2024 ලංකා ප්රීමියර් ලිග් ක්රිකට් තරගාවලියේ ගෝල් මාවල්ස් කණ්ඩායමේ නායකයා ලෙස කටයුතු කළ නිරෝෂන් දික්වැල්ල තරගාවලිය අතරතුර කොකේන් මත්ද්රව්ය ලබාගෙන තිබූ බවට චෝදනා එල්ල වී තිබුණා.
