ලබන සතියේ අග වන විට වෙළඳපොළේ පවතින සහල් හිඟය අවසන් කිරීමට කටයුතු කරන බව පාරිභෝගික කටයුතු පිළිබඳ අධිකාරියේ අධ්‍යක්ෂ අසේල බණ්ඩාර පවසනවා.
මේ අතර ඊයේ (07) දිනයේ ජනාධිපතිවරයා උපදෙස් දුන් පරිදි අද (08) දිනයේ දී දිවයිනේ ප්‍රධාන වී මෝල් වෙත පාරිභෝගික කටයුතු පිළිබඳ අධිකාරියේයේ නිලධාරීන් යොමු කිරීමට කටයුතු කර ඇති බව ඔහු සඳහන් කළා.
ඒ, අනුව අද සිට එම නිලධාරීන් දිනපතා වී මෝල් හිමියන්ගෙන් සහල් සහ වී තොග සම්බන්ධ වාර්තා ලබාගෙන එම වාර්තා වෙළද අමාත්‍යාංශ වෙත භාරදීමට කටයුතු කරනයි අධ්‍යක්ෂවරයා පවසා සිටියේ.
මේ අතර ඊයේ දිනයේ දී ගත් තීරණයට අනුව සහල් පාලන නව මිල සම්බන්ධ ගැසට් නිවේදනය කඩිනමින් නිකුත් කිරීමට ද කටයුතු කරන බවයි ඔහු සඳහන් කළේ.
ගොවියාට සාධාරණ මිලක් ලබාදීම සහ පරිභෝගියාට සාධාරණ මිලකට හාල් ලබාදීම අරමුණු කර ගනිමින් මෙලෙස සහල් පාලන මිලේ සංශෝධනයක් සිදුකළ බව අධ්‍යක්ෂවරයා පවසා සිටියා.
සහල් හංගල තියෙන්නෙ ඔය මහ ගබඩා වල නොවෙයි. ලොකු මුදලාලිලාගේ ගෙවල් වල. මහජනතාවගෙන් ප්‍රසිද්ධියෙ ඉල්ලීමක් කරන්න ඔත්තු ලබා දෙන්න කියල. මෙතන ලාබ ලැබීමට වඩා රජය බිඳ වටවන්න කරන දේවල්.