හලාවත – ආණමඩුව මාර්ගයේ පල්ලම, අඩම්මන ප්‍රදේශයේ දී කැබ් රථයක් සහ යතුරු පැදියක් මුහුණට මුහුණ ගැටී සිදු වූ අනතුරකින් අනතුරකින් කාන්තාවක් එම ස්ථානයේ දීම මියගොස් තිබෙනවා.
අනතුරින් තුවාල ලැබූ 32 හැවිරිදි තවත් පුද්ගලයෙක් ප්‍රතිකාර සඳහා හලාවත මහා රෝහලට ඇතුළත් කර ඇති බවයි තොරතුරු වාර්තා වුණේ.
ඊයේ (02) රාත්‍රී 8.00ට පමණ මෙම අනතුර සිදුව ඇති අතර, අනතුරින් මිය ගොස් ඇත්තේ මාදම්පේ, තනියවල්ලගම ප්‍රදේශයේ පදිංචිව සිටි අවුරුදු 30ක කාන්තාවක්.
අනතුරට ලක් වූ කැබ් රථය හලාවත දෙස සිට ආණමඩුව දෙසට ධාවනය වෙමින් තිබිය දී ඉදිරියෙන් පැමිණි අඹුසැමි යුවළක් ගමන් ගත් යතුරුපැදියේ ගැටී ඇති අතර, කැබ් රථය මාර්ගයෙන් ඉවතට පැන නතර වී ඇති බවයි පොලිසිය සඳහන් කළේ.
අනතුර සිදුවන අවස්ථාවේ දී යතුරුපැදිය පදවා ඇත්තේ කාන්තාව විසින් බවයි අනාවරණය වී ඇත්තේ.
අනතුරට සම්බන්ධ කැබ් රථය පැදවූ රියදුරු පල්ලම පොලීසියේ නිලධාරීන් විසින් අත්අඩංගුවට ගෙන ඇති අතර,ඔහු අටබාගේ, පිටගම ප්‍රදේශයේ පදිංචි 37 හැවිරිදි අයෙක්.
