ඉන්දීය ප්‍රිමියර් ලීග් තරගාවලියේ චෙන්නායි සුපර් කිංග්ස් කණ්ඩායමේ තේමාවෙන් යුත් වර්ණ ගැන් වූ ගුවන් යානයක් මේ වනවිට එළිදක්වා තිබෙනවා.
නව ඉන්දීය ප්‍රිමියර් ලීග් තරග වාරයට මාස කිහිපයක් ඉතිරිව තිබිය දී ‘එතිහාඩ්’ ගුවන් සමාගමේ ගුවන් යනයෙක් මෙලෙස චෙන්නායි සුපර් කිංග්ස් තේමාවෙන් යුක්තව වර්ණ ගන්වා ඇති බවයි වාර්තා වන්නේ.
චෙන්නායි කණ්ඩායමේ නිල වර්ණයන් වන දීප්තිමත් කහ සහ නිල් වර්ණවලින් ගුවන් යානය පින්තාරු කර ඇති ආකාරය දැකගත හැකි අතර, එම කණ්ඩායමේ නිල ලාංඡනය ද එහි පින්තාරු කර තිබෙනවා.
චෙන්නායි කණ්ඩායමේ ප්‍රධාන අනුග්‍රාහකයෙක් වන එතිහාඩ් ගුවන් සමාගම, එයාර්බස් A320neo වර්ගයේ ගුවන් යානයක් මෙලෙස චෙන්නායි තේමාවෙන් වර්ණ ගන්වා ඇත්තේ චෙන්නායි කණ්ඩායම සහ අයි.පී.එල් තරගාවලිය ප්‍රවර්ධනය කිරීමේ අරමුණින්.
මෙම වෙනස්ම අත්දැකීමට චෙන්නායි සුපර් කිංග්ස් ප්‍රේක්ෂකයින් ඉහළ ප්‍රතිචාර දක්වා ඇති බවයි ඉන්දීය මාධ්‍ය වාර්තා කළේ.
කෙසේ වෙතත් මෙම විශේෂ ගුවන් යානය චෙන්නායි සුපර් කිංග්ස් කණ්ඩායමේ ගමන් බිමන් වෙනුවෙන් යෙදවීමට තවමත් තීරණය කර නැහැ.
