වීසා කාලය නිමා වී නීතිවිරෝධී ලෙස මෙරට රැදී සිටි විදේශිකයන් 26 දෙනෙකු ආගමන විගමන දෙපාර්තමේන්තු නිලධාරීන් විසින් අද (26) අත්අඩංගුවට ගෙන තිබෙනවා.
කොළඹ කිරුළපන ප්‍රදේශයේ තාවකාලික නේවාසිකාගාරක රැදී සිටිය දී මෙම පිරිස අත්අඩංගුවට ගෙන ඇති බවයි වාර්තා වුණේ.
ශ්‍රී ලංකා නාවික හමුදාව ලබා දී තිබූ බුද්ධි තොරතුරු පදනම් කර ගෙන සිදුකළ වටලිමක දී මොවුන් පිරිස අත්අඩංගුවට ගෙන ඇති අතර, කාන්තාවන් තිදෙනක් ද අත්අඩංගුවට ගැනුණු පිරිස අතරට අයත්.
බංගලදේශ ජාතිකයන් 16ක්, පාකිස්ථාන ජාතිකයන් දෙදෙනෙක්, බුරුන්ඩි ජාතිකයන් 02 දෙනෙකු සහ ඉන්දියානු ,පිලිපීන , උගන්ඩා, ඉතියෝපියා, කෙන්යා සහ නේපාල ජාතිකයෙකු බැගින් අත්අඩංගුවට ගැනුණු පිරිස අතරට අයත්.
අත්අඩංගුවට ගැනුණු විදේශිකයන් පිරිස වැලිසර රැඳවුම් මධ්‍යස්ථානය වෙත භාරදීමටයි පියවර ගෙන ඇත්තේ.
මොවුන් පිළිබඳ විමර්ශන කටයුතු අවසන් වූ වහාම මෙරටින් පිටුවහල් කිරීමට නියමිත බවයි වාර්තා වුණේ.
