විවාහ මංගල උත්සවය නවතා සිය මුදල් සහ මංගල මාලය සොරකම් කළ සොරෙකු පිටුපස හඹා ගිය මනාලයෙක් පිළිබඳ පුවතක් ඉන්දීය මාධ්‍ය වාර්තා කරනවා.
පසුගිය දා පැවති විවාහ මංගල උත්සවයක් අතර තුර මෙම සිදුවීම සිදුව ඇති බවයි වාර්තා වුණේ.
ඉන්දීය සම්ප්‍රදායට අනුව පැවති මංගල උත්සවයක මනාලයා අශ්වයෙකු පිට නැගී මංගල පෙරහැරේ ගමන් කරමින් සිටිය දී ඔහුගේ මුදල් සහ මංගල මාලය ලොරි රථ රියදුරෙක් විසින් කොල්ල කා පළාගොස් තිබෙනවා.
එම අවස්ථාවේ දී මනාලයා මංගල උත්සවය අතහැර දමා යතුරුපැදියක නැඟී ලොරි රථ පිටුපස ලුහුබැඳ ගොස් ඇති බවයි වාර්තා වන්නේ.
තවත් අයෙකු සමඟ යතුරුපැදියක නැඟී ලොරි රථය ලුහුබැඳ ගිය මනාලයා අතර මඟදී ලොරි රථයට ගොඩවීමට සමත්ව ඇති අතර, එහිදී ඔහු රථය තුළට ඇතුළු වී එය නවතා ගැනීමට සමත්ව ඇති බවයි තොරතුරු වාර්තා වුණේ.
අනතුරු ලොරි රථයෙන් බැසගත් මනාලයා සිය මුදල් සහ මංගල මාලය සොරාගත් ලොරි රථ රියදුරාට පහර දී ඇති බවයි එරට මාධ්‍ය වාර්තා කර තිබුණේ.
මංගල උත්සවය අතර මඟ නවතා තම ජීවිතය ද අවදානමේ දමමින් මනාලයා සිදුකළ මෙම ක්‍රියාව පුද්ගලයෙක් විසින් වීඩියෝ කර සමාජ මාධ්‍ය වෙත එක්කර තිබුණේ මෙලෙසින්.
