අධ්‍යයන පොදු සහතික පත්‍ර උසස් පෙළ විභාගය හෙට (25) ආරම්භ වීමට නියමිත බව විභාග කොමසාරිස් ජනරාල් අමිත් ජයසුන්දර පවසනවා.
ඒ, සඳහා විභාග මධ්‍යස්ථාන සූදානම් කිරීමේ කටයුතු අද (24) දිනයේ දී සිදුකරන බවයි කොමසාරිස්වරයා සඳහන් කළේ.
මෙවර විභාගය වෙනුවෙන් සම්බන්ධීකරණ මධ්‍යස්ථාන 319ක සහාය ඇතිව දිවයින පුරා විභාග මධ්‍යස්ථාන 2,312ක් ස්ථාපිත කර තිබෙනවා.
මේ අතර පවතින අයහපත් කාලගුණ තත්ත්වය හමුවේ විභාග මධ්‍යස්ථාන ආශ්‍රිතව යම් අපදා තත්ත්වයක් ඇති වුවහොත් ඒ සඳහා ක්‍රියාත්මක වීමට සූදානමින් සිටින බවයි අපදා කළමණාකරන මධ්‍යස්ථානය පැවසුවේ.
මෙවර අධ්‍යයන පොදු සහතික පත්‍ර උසස් පෙළ විභාගය සඳහා අයදුම්කරුවන් 333,185 දෙනෙකු සුදුකම් ලබා ඇති අතර.
ඊට පාසල් අයදුම්කරුවන් 253,390ක් ඇතුළත්.
මෙවර විභාගයට පෙනී සිටීමට සුදුසුකම් ලබා ඇති පෞද්ගලික අයදුම්කරුවන්ගේ සංඛ්‍යාව 79,795ක්.
මේ අතර විභාග වංචා වැළැක්වීම සඳහා විශේෂ වැඩපිළිවෙලක් ක්‍රියාත්මක කර ඇති බව විභාග කොමසාරිස් ජනරාල්වරයා වැඩිදුරටත් සඳහන් කර සිටියා.
හෙට ආරම්භවන විභාගය දෙසැම්බර් මස 20 වනදා දක්වා පැවැත් වෙනවා.
