2026 තරුණ ඔලිම්පික් ක්‍රීඩා උළෙලට සහ 2028 ඔලිම්පික් උළෙලට, දුනු විදීමේ ඉසව්වෙන් සහභාගී වීමට නියමිත ශ්‍රී ලාංකික ක්‍රීඩක ක්‍රීඩිකාවන් පුහුණු කිරීම සඳහා ලොව අංක එකේ දුනු විදීමේ පුහුණුකරුවෙක් දිවයිනට පැමිණ තිබෙනවා.
දකුණු කොරියානු දුනු විදීමේ පුහුණුකරුවෙක් වන කිම් හියුම් ටක් ඊයේ මෙලෙස දිවයිනට පැමිණ ඇති බවයි වාර්තා වුණේ.
මොහු මෙහෙයවන පුහුණු වැඩසටහන අද (19) දිනයේ දිට ලබන 23 වනදා දක්වා ඔලිම්පික් නිවහනේ දී පැවැත්වීමට සැළසුම් කර තිබෙනවා.
දකුණු කොරියානු දුනු විදීමේ පුහුණුකරු ලෙස වසර ගනනාවක් කටයුතු කර ඇති ඔහු, 1984 වසරේ ඇන්ජලීස් ඔලිම්පික් තරගාවලියේ දී දුනු විදීමේ ඉසව්වෙන් දකුණු කොරියාවට ප්‍රථම රන් පදක්කම දිනා දුන් ක්‍රීඩකයායි.
මොහුගේ සේවය මීට පෙර ඉන්දියාව ද ලබාගෙන තිබීම විශේෂතයක්.
කිම් හියුම් ටක් මහතා සහ ඔහුගේ බිරිඳ ඊයේ (18) පස්වරු 05.40 ට දකුණු කොරියාවේ ඉන්චියොන් නුවර සිට ශ්‍රී ලන්කන් ගුවන් සේවයේ යූ.එල්.471 දරන ගුවන් යානයෙන් කටුනායක ගුවන් තොටුපොළ වෙත පැමිණියා.
