47 වැනි ජනාධිපතිවරයා ලෙස අමෙරිකාවේ තේරී පත් වූ ඩොනල්ඩ් ට්රම්ප් සහ රිපබ්ලිකන් පාක්ෂික දේශපාලන ගමනට ඉදිරියේ දී සාමකාමී බල හුවමාරුවක් සමගින් ට්රම්ප්ගේ වැඩපිළිවෙළ සඳහා සහාය ලබාදීමට තමන් සූදානම් බව ඩිමොක්රටික් පක්ෂ ජනාධිපති ධුර අපේක්ෂිකා කමලා හැරිස් ප්රකාශ කර තිබෙනවා.
අල් ජසීරා පුවත් සේවය පවසන්නේ ට්රම්ප් හමුවේ ලද පරාජය සියලුම ප්රාන්ත 50 සහ එක් ෆෙඩරල් රාජ්යයේ ද සම්පූර්ණ නිල ඡන්ද ප්රතිඵල නිකුත් වීමෙන් පසුව හැරිස් මෙම ප්රකාශය සිදු කර ඇති බවයි.
තමන් ජනාධිපතිවරණයෙන් ට්රම්ප් හමුවේ පරාජයට පත්වීම පිළිගන්නා බව ද; තමන්ට සහාය දුන් සියලුම අමෙරිකානුවන්ට ගෞරවය සහ ස්තුතිය පිරිනමන බව ද හැරිස් සඳහන් කර තිබෙනවා.
ට්රම්ප් තම ජය තහවුරු කරගැනීමට 50.8%ක ඡන්ද ප්රතිශතයක් ලබා ඇති අතර කමලා හැරිස් ලබා ඇත්තේ ප්රතිශතාත්මකව ඡන්ද 47.5%ක් පමණයි.
ඒ අනුව ට්රම්ප්ට ආසන 295ක් සහ හැරිස්ට ආසන 226ක් හිමිව තිබෙනවා.
ට්රම්ප්ගේ ජයග්රහණය සමග රිපබ්ලිකන් පාක්ෂිකයින්ට සෙනෙට් සභාවේ හිමිව ඇති ආසන සංඛ්යාව 52ක්.
ඩිමොක්රටිස් හට ආසන 44ක් හිමි වුණා.
ධවල මන්දිරයේ නියෝජිත මන්ත්රී මණ්ඩලය සඳහා රිපබ්ලිකානුවන්ගෙන් 209කට අවස්ථාව හිමිව ඇති අතර 191 දෙනෙකුට ඩිමොක්රටික් වෙනුවෙන් ආසන හිමිවනු ඇති.
ඩොනල්ඩ් ට්රම්ප්ගේ උප ජනාධිපතිවරයා වශයෙන් ජේඩී වැන්ස් කටයුතු කරනු ඇති බවයි වාර්තා වන්නේ.
