සංචාරක නවසීලන්තයට එරෙහිව පැවැත්වෙන එක්දින හා පන්දුවාර 20 ක්‍රිකට් තරගාවලිය සඳහා සහභාගී වන ශ්‍රී ලංකා සංචිතය නම් කර තිබෙනවා.
ශ්‍රී ලංකා ක්‍රිකට් ආයතනය විසින් අද (06) මෙම සංචිතය ඇතුළත් නිවේදනය නිකුත් කර ඇති බවයි වාර්තා වන්නේ.
ඒ අනුව එළඹෙන 09 වැනිදා ආරම්භ වන තරග 02කකින් සමන්විත පන්දුවාර 20 ක්‍රිකට් තරගාවලිය සඳහා ක්‍රීඩකයින් 17 දෙනෙකුගෙන් යුත් සංචිතයක් නම්කර තිබෙනවා.
T20 සහ එක්දින තරග ද්විත්වයෙහිම නායකත්වය හිමිව ඇත්තේ චරිත් අසලංකටයි.
T20 තරගාවලිය සඳහා ශ්‍රී ලංකා කණ්ඩායමට පැතුම් නිස්සංක, කුසල් මෙන්ඩිස්, කුසල් පෙරේරා, කමිඳු මෙන්ඩිස්, දිනේෂ් චන්දිමාල්, අවිශ්ක ප්‍රනාන්දු, භානුක රාජපක්ෂ, වනිඳු හසරංග, මහීෂ් තීක්ෂණ, ජෙෆ්‍රි වැන්ඩර්සේ, දුනිත් වෙල්ලාලගේ, චමිඳු වික්‍රමසිංහ, මතීෂ පතිරණ, නුවන් තුෂාර, බිනුර ප්‍රනාන්දු සහ අසිත ප්‍රනාන්දු නම්කර තිබෙනවා.
එම තරගාවලිය එළඹෙන 09 වැනිදා රංගිරි දඹුල්ලේ දී ආරම්භ වන්නේ රාත්‍රී 7ටයි.
මේ අතර නවසීලන්තයට එරෙහි තරග 03කින් සමන්විත එක්දින තරගාවලියට එක්වන ශ්‍රී ලංකා සංචිතය ද නම්කර තිබෙනවා.
T20 සංචිතයට නොමැති ජනිත් ලියනගේ, සධීර සමරවික්‍රම, නිශාන් මධුෂ්ක, ඩිල්ෂාන් මධුශංක සහ මොහොමඩ් ශිරාෆ් සංචිතයට එක් කර ඇති අයුරු දැකිය හැකියි.
Avishka fanando galapenna momek hari athi oke akai hamadama failed wewei team ake inne