බංග්ලාදේශය සහ ඇෆ්ගනිස්තානය අතර පැවැත්වෙන එක්දින තරගාවලිය හෙට (06) ආරම්භ වනවා.
දෙරට අතර තරග 03කින් සමන්විත එක්දින තරග 03ක් පැවැත්වීමට නියමිතයි.
මෙම තරග තුනම පැවැත්වෙන්නේ එක්සත් අරාබි එමීර් රාජ්‍යයේ දී වන අතර දෙරට අතර පළමු එක්දින තරගය හෙට සාජා නුවර දී පැවැත්වෙනවා.
එරට වේලාවෙන් පස්වරු 3.30ට මෙම තරගය පැවැත්වෙනවා.
බංග්ලාදේශයේ නායකත්වය ෂැන්ටෝ විසින් දරනු ලබන අතර ඇෆ්ගන් නායකත්වය හිමි ව ඇත්තේ හෂ්මතුල්ලා ෂහිඩිටයි.
බංග්ලාදේශය සහ ඇෆ්ගනිස්තානය අතර එක්දින තරග 16ක් පවත්වා තිබෙනවා.
ඉන් තරග 10ක් බංග්ලාදේශය ජය ගනිද්දී ඇෆ්ගනුන් ජයගෙන ඇත්තේ තරග 06ක් පමණි.
බංග්ලාදේශය සිය මව්බිමේ දී ලබා ඇති එක්දින ජයග්‍රහණ ගණන 05ක් වන අතර ඇෆ්ගනුන් විදෙස් රටක දී බංග්ලාදේශයට එරෙහිව තරග 05ක් ජයගෙන තිබෙනවා.
