බංග්ලාදේශයේ තුන් ඉරියව් ක්‍රීඩක ශකීබ් අල් හසන්ගේ පන්දු යැවීමේ ඉරියව්ව එංගලන්ත ප්‍රාන්ත ක්‍රිකට් විනිසුරුවරුන් විසින් ප්‍රශ්න කරනු ලැබ තිබෙනවා.
ඔවුන් පෙන්වාදෙන්නේ ශකීබ්ගේ පන්දු යැවීමේ ඉරියව්වේ කිසියම් වැරදිසහගත කරුණක් පෙනී යන බැවින් මෙම විමර්ශන ආරම්භ කරන බවයි.
ශකීබ් අල් හසන් සරේ ශූරතාවට මෙම වාරයේ දී ක්‍රීඩා කරන අතර හෙතෙම පසුගියදා ටවුන්ටන්හි දී සරේ තරගයක් සඳහා ක්‍රීඩා කළා.
එහිදියි මෙම සාවද්‍ය වූ පන්දු යැවීමේ ක්‍රියාවක් ගැන එංගලන්ත ප්‍රාන්ත විනිසුරුවරුන් ශකීබ්ගෙන් ප්‍රශ්න කර ඇත්තේ.
වමතින් පන්දු යවන්නෙකු වන ශකීබ් අල් හසන්ට ක්‍රීඩා කිරීම තහනම් වී නොමැති අතර එංගලන්ත සහ වේල්ස් ක්‍රිකට් මණ්ඩලය නිවේදනය කළේ ශකීබ් අල් හසන් සමග විමර්ශනයකට පෙර සාකච්ඡා කරමින් සිටින බවයි.
37 හැවිරිදි ෂකීබ්, සැප්තැම්බර් මාසයේ දී ටෝන්ටන්හි දී සමර්සෙට් සමඟ පැවති ශූරතා තරගයක දී සරේ වෙනුවෙන් කඩුලු 9ක් දවා ගැනීමට සමත් වූ අතර, 2010-11 වසරවල දී Worcestershire සමඟ කෙටි කාලයකට පසුව තරගයට පෙනී සිටි පළමු අවස්ථාව ද මෙයයි.
ශකීබ්ට එරෙහිව මෙම චෝදනාව පිටියේ විනිසුරුවන් වන ස්ටීව් ඕ ෂෝනසි සහ ඩේවිඩ් මිලන්ස් විසින් එල්ල කරනු ලැබුවා.
ශකීබ්ට ඉදිරි සති දෙක තුළ දී ඔහුගේ පන්දු යැවීමේ ඉරියව්ව නිරීක්ෂණය කිරීමේ පරීක්ෂණයට භාජනය වීමට සිදු වනු ඇති.
ශකීබ් දශක දෙකක කාලයක් පුරාවට ජාත්‍යන්තර එක්දින, ටෙස්ට් සහ පන්දුවාර 20 මෙන් ම ඉන්දියන් ප්‍රීමියර් ලීග්, ලංකා ප්‍රීමියර් ලීග් තරග ක්‍රීඩා කරන්නෙක්.
