පසුගිය ජනාධිපතිවරයාගේ සමය තුළ සෑම සතියකට කාබනික එළවළු කිලෝග්‍රෑම් 60ක් නුවරඑළිය ප්‍රදේශයෙන් ජනාධිපති ලේකම් කාර්යාලය වෙත ලැබුණු බව ජනාධිපති අනුර කුමාර දිසානායක පවසනවා.
නුවරඑළිය ජනාධිපති මන්දිරය පිහිටි ඉඩමේ වගාකළ කාබනික එළවළු මෙලෙස සෑම සතියකම ජනාධිපති ලේකම් කාර්යාලයට ලැබී ඇති බවයි ජනාධිපතිවරයා පැවසුවේ.
තමන් ජනධිපතිවරයා ලෙස පත් වූ පසුවත් එලෙස එළවළු පාර්සල් ජනාධිපති ලේකම් කාර්යාලය ලැබුණු බව ජනාධිපති අනුර කුමාර දිසානායක පවසා සිටියා.
ඒ සම්බන්ධයෙන් සිදුකළ සොයා බැලීමේ දී මේ පිළිබඳව කරුණු අනාවරණය වූ බව සඳහන් කළ ජනාධිපතිවරයා, මින් පසු එලෙස ලැබෙන එළවළු ජනධිපති ලේකම් කාර්යාලයේ ආරක්ෂාවට සිටින ආරක්ෂක නිලධාරීන් වෙත බෙදාදීමට නියෝග කළ බවයි ඔහු වැඩිදුරටත් පැවසුවේ.
“මම ඇහුවා මොනවා ද මේ එළවළු කියලා, වෙනම කාබනිල වගාවන් කරලා, ඒ කියන්නේ මේ ලොරියේ එන එළවළු පිටකොටුවෙන් අරන් කන්න බෑ ඒගොල්ලොන්ට, ඇයි ඒගොල්ලෝ උඩ, ඒගොල්ලොන්ට වෙනම වවන්න ඕන, වෙනම වවලා හැම සිකුරාදාම කිලෝ හැට ගානේ බෑග් දෙකක් එනවා.”
ජනධිපතිවරයා මේ බව සඳහන් කළේ නුවරඑළිය නගරයේ අද (03) පැවති ජාතික ජන බලවේගයේ මැතිවරණ රැළියට එක්වෙමින්.
ඒක නම් හරිම ප්‍රශ්නයක්. ජනාධිපතිවරයාට ආහාර ගෙනෙන විට ආරක්ෂිතව ගෙනා යුතුයි.. එළවළු කිලෝ හැටක් නුවරඑළිය ගෙනාවට වංචාවකුත් නෙවෙයිනේ. අනිත් එක එළවළු ටික ආරක්ෂක නිලධාරීන්ට බෙදලා දෙන්නේ ඇයි.
රනිල් ගේ එලවලු සීන් ජනතාව අවශ්‍ය නැත. සිංහල හා දමිල ජනතාව එලිපිටම සංහාරය කල ලංකාවේ isis අන්තවාදී ත්‍රස්තවාදීන්ගේ පාස්කු බෝම්බයට සත්‍ය සොයාගෙන යුක්තිය ඉටුකර ලංකාවේ දේශපාලනය හසුරවන isis ත්‍රස්තවාදීන් ගෙන් සිංහල හා ද්‍රවිඩ ජනතාව කරනු.