තෙල්දෙණිය පොලිස් වසමේ අයි.සී.සී නිවාස සංකීර්ණයේ පදිංචිකරුවන් නොමැති නිවසක ගරාජයක තිබී ව්යාජ අංක තහඩු සහිත ජීප් රථයක් සොයාගැනීමේ සිද්ධියට කපුමහතෙක් සැකපිට අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ ගාල්තැන්න දේවාලයේ දේවගැතිවරයා නමින් ප්රසිද්ධියට පත්ව සිටින අයෙක්.
තෙල්දෙණිය පොලිසිය විසින් පසුගිය පළමු වනදා සොයාගත් මෙම ව්යාජ අංක තහඩු සහිත ජීප් රථය වසර ගණනාවක සිට පරිහරණය කර ඇත්තේ අදාළ දේවගැතිවරයා බවයි අනාවරණය වී ඇත්තේ.
පසුගිය දා වෙඩි තබාගෙන සියදිවි හානි කරගත් හිටපු රාජ්ය අමාත්ය ලොහාන් රත්වත්තේගේ පෞද්ගලික ලේකම්වරයා විසින් මෙම ජීප් රථය සති කිහිපකට පෙර අදාළ ස්ථානයට ගෙනවිත් දැමූ බව දේවාගැතිවරයාගේ පුත්රයෙකු පවසා තිබූ අතර, පොලීසිය නොමඟ යැවීමේ අරමුණින් ඔහු එසේ ප්රකාශ කර තිබෙන බව පසුව අනාවරණය වී තිබෙනවා.
මහනුවර පිලපල ප්රදේශයේ කාන්තාවකට අයත් ජීප් රථයක අංකය මෙම ජීප් රථයට ව්යාජ ලෙස සවිකර භාවිත කරමින් මෙම ජීප් රථය සැකකරු ඇතුළු පවුලේ සාමාජිකයින් විසින් පරිහරණය කර ඇති බවයි වැඩිදුරටත් තොරතුරු අනාවරණය වී ඇත්තේ.
මේ අතර සැකකාර දේවගැතිවරයා සතුව ඩිෆෙන්ඩර් වර්ගයේ ජීප් රථ ඇතුළු වාහන ගණනාවකින් සමන්විත වාහන අංගනයක් ඇති බවත්, කොටස් එකලස් කර සකස් කරන ලද වාහන කිහිපයක් ඒ අතර ඇති බවට ලද තොරතුරු මත පොලීසිය වැඩිදුර විමර්ශන ආරම්භ කර ඇති බවයි අප වාර්තාකරු සඳහන් කළේ.
ඒ, අනුව මෝටර් ප්රවාහන දෙපාර්තමේන්තුව හා සම්බන්ධව මේ පිළිබඳ පරීක්ෂණ ආරම්භ කරන බවයි තෙල්දෙණිය මූලස්ථාන පොලිසියේ උසස් නිලධාරියෙක් පවසා ඇත්තේ.
Mu hena pissek. Lankawe inneharakda me wage motta moosalayanwa wiswasa karana???
Okata thamai kiyanne Dena දෙවියා සුපිරි යට දෙනවා කියන්නේ ,dan ඉතින් kapan Lohan ge ata දෙක