2024 ජනවාරි පළමුවනදා සිට ඔක්තෝබර් මස 25 දක්වා කාලය තුළ මාරක රිය අනතුරු 1,818ක් වාර්තා වී ඇති බව පොලිස් මාධ්‍ය ප්‍රකාශක, නියෝජ්‍ය පොලිස්පති නිහාල් තල්දූව පවසනවා.
මෙම අනතුරුවලින් පුද්ගලයන් 1,898ක් මියගොස් ඇති බවයි මාධ්‍ය ප්‍රකාශකවරයා සඳහන් කළේ.
අද (02) පස්වරුවේ පැවැති මාධ්‍ය හමුවක දී ඔහු මේ බව සඳහන් කළ අතර, මියගිය පුද්ගලයන් 1,898න් 676ක් පදිකයන් බවයි ඔහු වැඩිදුරටත් පවසා සිටියේ.
මෙම අනතුරුවලින් බරපතළ තුවාල ලැබූ රිය අනතුරු 4,133ක් වාර්තා වී ඇති බවත්, සුළු තුවාල අනතුරු 7,146ක් වාර්තා වී ඇත බවයි ඔහු මෙහිදී සඳහන් කර සිටියේ.
ඊට අමතරව මාරක රිය අනතුරු 1,818න් යතුරුපැදිකරුවන් 583ක් මිය ගොස් ඇති අතර, පසුපැදිකරුවන් 128ක්, රියදුරන් 135ක් සහ වාහනවල ගමන් ගත් මගීන් 249ක් මෙන්ම පාපැදිකරුවන් 123ක් ද මියගිය පිරිසට අයත් බව ඔහු පැවසුවා.
