එංගලන්ත ක්රිකට් ක්රීඩක බෙන් ස්ටොක්ස්ගේ නිවසට ඇතුළු වී එහි තිබූ වටිනා භාණ්ඩ කිහිපයක් සොරාගැනීමේ සිද්ධියට සැකපිට පුද්ගලයෙක් අත්අඩංගුවට ගෙන තිබෙනවා.
විදෙස් මාධ්ය වාර්තා කරන්නේ වයස අවුරුදු 32ක අයෙක් මෙලෙස අත්අඩංගුවට ගෙන ඇති බවයි.
එංගලන්ත ටෙස්ට් ක්රිකට් නායක බෙන් ස්ටෝක්ස් පාකිස්ථානයේ සංචාරයක නිරතව සිටිය දී ඔහුගේ නිවසේ මෙම සොරකම සිදුව තිබෙනවා.
ක්රිකට් ක්රීඩකයා සඳහන් කරන්නේ මෙම සොරකම සිදුවන අවස්ථාවේ දී ඔහුගේ බිරිඳ සහ කුඩා දරුවන් දෙදෙනා ද නිවසේ සිටි ඇති බවයි.
එංගලන්තයේ ඊසාන දිග කාසල් ඊඩ්න් ප්රදේශයේ පිහිටි ඔහුගේ නිවසට ඇතුළු වූ පුද්ගලයා ක්රිස්ටියන් ඩයර් අත්බෑගයක්, එංගලන්ත ක්රිකට් ලාංඡන සහිත රන් මුද්දක් සහ බ්රේස්ලට් ඇතුළු තවත් වටිනා භාණ්ඩ කිහිපයක් සොරාගෙන ඇති බවයි.
එලෙස සොයාගත් භාණ්ඩ අතර ඔහු ක්රිකට් ලෝක කුසලානය දිනා ගැනීමට එංගලන්තයට දැක්වූ දායකත්වය වෙනුවෙන් හිමි වූ ගෞරව පදක්කම ද වනවා.
