නැගීඑන කණ්ඩායම් ආසියානු ශූරයින් වූ ඇෆ්ගනිස්ථානය ජයග්‍රහණයේ සතුට සැමරූ හැටි (ඡායාරූප)

ශ්‍රී ලංකා A කණ්ඩායම කඩුලු 07කින් පරාජය කළ ඇෆ්ගනිස්ථාන A කණ්ඩායම 2024 ආසියානු නැගීඑන කණ්ඩායම් 20-20 තරගාවලියේ ශූරතාව දිනා ගන්නට ඊයේ (27) රාත්‍රියේ සමත් වුණා.

ඕමානයේ පැවති මෙම තරගයේ පළමුව පන්දුවට පහර දුන් ශ්‍රී ලංකා කණ්ඩායමෙන් හිමි වූ ලකුණු 134ක ඉලක්කය පන්දුවාර 18යි එක් පන්දුවක් තුළ කඩුලු 03ක් පමණක් දැවී පසුකර ගිය ඇෆ්ගනිස්ථාන A කණ්ඩායම මෙම තරගය ජය ගත්තා.

ඇෆ්ගනිස්ථාන A කණ්ඩායම ආසියානු නැගීඑන කණ්ඩායම් තරගාවලියක ශූරතාව දිනූ පළමු අවස්ථාව මෙය වනවා.

මේ අතර මෙවර තරගාවලියේ පිත්තෙන් දස්කම් දැක් වූ ඇෆ්ගනිස්ථාන ක්‍රීඩක සෙඩිකුල්ලා අටල් තරගාවලියේ වීරයා බවට පත් වුණා.

තරගාවලියේ ශූරතාව හිමිකරගත් ඇෆ්ගනිස්ථාන A කණ්ඩායම සිය ජයග්‍රහණයේ සතුට සැමරුවේ මෙලෙසින්.