මහින්ද; ජොනීගේ සුව දුක් විමසීමට වැලිකඩට – සාගරත් එයි (වීඩියෝ)

හිටපු ජනාධිපති මහින්ද රාජපක්ෂ මහතා වැලිකඩ බන්ධනාගාරයට පැමිණියා.

මේ වනවිට රක්ෂිත බන්ධනාගාරගත කර ඇති හිටපු අමාත්‍ය ජොන්ස්ටන් ප්‍රනාන්දු මහතාගේ සුව දුක් බැලීමට අද (25) පෙරවරුවේ ඒ මහතා පැමිණ ඇති බවයි අප වාර්තාකරු පැවසුවේ.

ජොන්ස්ටන් ප්‍රනාන්දු මහතා පෙරේදා (23) දිනයේ දී රක්ෂිත බන්ධනාගාරගත කරන ලෙසට කොළඹ මහාධිකරණය නියෝග කළා.

ඒ මෝටර් රථ ප්‍රවාහන දෙපාර්තමේන්තුවේ ලියාපදිංචි නොකළ ජොන්ස්ටන් ප්‍රනාන්දු මහතාට අයත් යැයි සැලකෙන අධි සුඛෝපභෝගී වර්ගයේ මෝටර් රථයක් කොළඹ පිහිටි තරු පහේ හෝටල් පරිශ්‍රයක රථ ගාලේ නවතා තිබියදී සොයාගැනීමත් සමගයි.

මේ හේතුවෙන් අපරාධ පරීක්ෂණ දෙපාර්තමේන්තුව විසින් ඔහුව උසාවි නියෝග ප්‍රකාරව අත්අඩංගුවට ගෙන; ඉදිරිපත් කිරීමෙන් අනතුරුව එළඹෙන 30 දක්වා රක්ෂිත බන්ධනාගාරගත කරන ලෙසටයි නියෝග කෙරුණේ.

මේ අතර අද දහවල් හිටපු අමාත්‍යවරයාව බැලීම සඳහා ශ්‍රී ලංකා පොදුජන පෙරමුණේ මහලේකම් නීතිඥ සාගර කාරියවසම් මහතා ද පැමිණියා.