ගාල්ල මුහුදු තීරයේ ටෝලර් යාත්‍රාවක් මගින් හෙරොයින් කිලෝ 146 ක් ප්‍රවාහනය කළේ යැයි කියන සිද්ධියක් සම්බන්ධයෙන් චෝදනා මත අත්අඩංගුවට ගත් ඉරාන ජාතිකයන් 17 දෙනෙකුගෙන් වරද පිළිගත් 10 දෙනෙකුට මීගමුව මහාධිකරණ විනිසුරු පමිල රත්නායක මහතා අද (23) දින ජීවිතාන්තය දක්වා සිර දඬුවම් නියම කෙරුණා.
මෙම පිරිස ධීවරයන් ලෙස වෙස්වලාගෙන ටෝලර් යාඥාවක් මගින් ගාලු මුහුද තීරයේ හික්කඩුව දක්වා මෙම හෙරොයින් ද රැගෙන ගමන් කරමින් සිටියදී 2016/03/26 වෙනි දින මත්ද්‍රව්‍ය කාර්යාංශය විසින් නාවික හමුදාව හා එක්ව අත්අඩංගුවට ගනු ලැබුවා.
මෙම විත්තිකරුවන්ගෙන් ඉතිරි හත්දෙනා තවදුරටත් රක්ෂිත බන්ධනාගාරගත කිරීමට නියෝග කෙරුණා.
මෙම හත්දෙනා අතර පකිස්තාන් ජාතිකයකු ද සිංගප්පූරු ජාතකයකු ද සිටින බවයි පැවසෙන්නේ.
වර්ෂ 2016 සිට පැවති දීර්ඝ නඩු විභාගයකින් පසු මෙම නියෝගය ලබා දුන්නා.
ඉරාන ජාතිකයන්ට මෙම නියෝගය ප්‍රකාශ කිරීම සඳහා එම තානාපති කාර්යාලයෙන් භාෂා පරිවර්තකයන් ද අධිකරණයට පැමිණ අදාළ නියෝගය කියවා තේරුම් කරදෙනු ලැබුවා.
මනේෂ් වෑවිට, කපිල වෛද්‍යරත්න, ප්‍රශාද් චතුරංග,බුද්ධික ජයකොඩි, යශස් සෝවිස් යන නීතිඥ මහත්වරුන් සමග ජනාධිපති නීතිඥ යූ.ආර් .ද සිල්වා මහතා ඉරාන ජාතිකයන් වෙනුවෙන් පෙනී සිටියා.
හෙරොයින් කිලෝග්‍රෑම් 48 ,ග්‍රෑම් 588,මිලිග්‍රෑම් 146ක්, ළඟ තබාගෙන ජාවාරම් කළේ යැයි මත්ද්‍රව්‍ය කාර්යාංශය මගින් මෙම සැකකරුවන්ට එරෙහිව ගොනුකර තිබූ චෝදනාවේ සඳහන්.
