අකුරැස්සේ වෙළෙඳසැලක පැරණි ගොඩනැගිල්ලක් ඉවත් කරමින් සිටි අයෙක් බිත්තියකට යටවී ජීවිතක්ෂයට පත් ව තිබෙනවා.
අප ප්‍රාදේශීය වාර්තාකරු පැවසුවේ; මෙම අනතුර අද (21) පස්වරුවේ සිදු ව ඇති බවයි.
මරණකරු එම ප්‍රදේශයේ පැරණි ගොඩනැගිල්ලක් ඉවත් කරමින් සිටියදී දෙවන මහලේ කොන්ක්‍රිට් තට්ටුවක් පඩිපෙළ මතට ඇදවැටී බිත්තියකට ද යට වී හිසට සිදු වූ බරපතළ තුවාල හේතුවෙන් එම ස්ථානයේදීම මියගොස් ඇතැයි අකුරැස්ස පොලීසිය පවසනවා.
මෙසේ මියගොස් ඇත්තේ පැරණි ගොඩනැගිලි ඉවත් කිරීමේ කුලී රැකියාවක නිරතවෙමින් සිටි බව කියන මාතර, වැවෑහමන්දූව, කදිරත්තහේන ලිපිනයේ පදිංචිව 54 හැවිරිදි හේවාබැට්ටගේ රජිත් ප්‍රියන්ත නමැති සිව්දරු පියෙක්.
සිද්ධිය සම්බන්ධයෙන් පොලිස් විමර්ශන ක්‍රියාත්මකයි.
ඔබේ ප්‍රතිචාරය කුමක්ද ?
+1
+1
+1
+1
+1
4
+1
+1
