පවතින අයහපත් කාලගුණ තත්ත්වය හේතුවෙන් මේ වනවිට දිස්ත්‍රික්ක 12ක පවුල් 29,980කට අයත් පුද්ගලයින් 118,032 දෙනෙකු මේ වනවිට බලපෑමට ලක්ව තිබෙනවා.
ඒ, අනුව සුරක්ෂිත මධස්ථාන 80ක් තුළ පවුල් 1,717කට අයත් පුද්ගලයින් 6,876 දෙනෙක් රඳවා ඇති බවයි ආපදා කළමනාකරණ මධ්‍යස්ථානය සඳහන් කළේ.
අයහපත් කාලගුණ තත්ත්වය හේතුවෙන් ප්‍රාදේශීය ලේකම් කොට්ඨාස 61ක පුද්ගලයින් මෙලෙස ආපදාවට ලක්ව ඇති බවයි වාර්තා වුණේ.
ආපදා කළමනාකරණ මධ්‍යස්ථානය වැඩිදුරටත් සඳහන් කළේ අද (13) පෙරවරු 6.00ට අවසන් වූ පැය 24ක කාලය තුළ වැඩිම වර්ෂාපතනය කුරුණැගල – ලිහිණිවෙහෙර ප්‍රදේශයෙන් වාර්තා වූ බවයි.
මේ අතර වැසි තත්ත්වයත් සමඟ ජල මට්ටම ඉහළ ගොස් ඇති කැළණි ගඟේ මසුන් ඇල්ලීමට ගිය පුද්ගලයෙක් ඔරුවක් පෙරලී අතුරුදන්ව තිබෙනවා.
මෙලෙස අතුරුදන් වූ පුද්ගලයාගේ සිරුර අද (13) පෙරවරුවේ දොයා ගැනීමට හැකිව ඇති බවයි වාර්තා වුණේ.
ඊයේ (12) මෙලෙස ජීවිතක්ෂයට පත්ව ඇත්තේ කැලණිමුල්ල ප්‍රදේශයේ පදිංචි අයෙක්.
