ශුද්ධෝත්තම ෆ්රැන්සිස් පාප් වහන්සේ ජනාධිපති අනුර කුමාර දිසානායක මහතා වෙත සිය සුබ පැතුම් පිරිනමා තිබෙනවා.
ඊට අදාළ සුබ පැතුම් පණිවිඩය අද (09) ශ්රී ලංකාවේ වතිකාන තානාපති අපෝස්තලික තානාපති අති උතුම් බ්රයන් උඩෙයිග්වේ හිමිපාණන් විසින් ජනාධිපතිවරයා වෙත පිළිගන්වනු ලැබුවා.
මෙම නිල හමුවීම අද ජනාධිපති ලේකම් කාර්යාලයේ දී සිදු වුණා.
නව ජනාධිපතිවරයාගේ නායකත්වය යටතේ ශ්රී ලංකාව සාර්ථකත්වය සහ සෞභාග්ය කරා ගෙනයාමට හැකිවනු ඇති බවයි වතිකානු තානාපති පැවසුවේ.
ශ්රී ලංකාවේ අනාගතය පිළිබඳ ව මෙහිදී සුබවාදී අදහස් පළ කළ අතිඋතුම් උඩෙයිග්වේ හිමිපාණන් ජනතාව අපේක්ෂා කරන අයුරින් මනා සංවර්ධනයක් රට තුළ මේ වනවිටත් සිදුවන බව ප්රකාශ කළා.
ශ්රී ලංකාව මුහුණදුන් අතිශය අමිහිරි අත්දැකීමක් වූ පාස්කු ඉරිදා බෝම්බ ප්රහාරය සම්බන්ධයෙන් ද මෙහිදී කනගාටුව පළ කෙරුණා.
එම නඩු කටයුත්ත විනිවිදභාවයකින් සහ විශ්වසනීයත්වයකින් අදාළ පරීක්ෂණ පැවැත්වීමට මුලපිරීම ගැන ද ජනාධිපතිවරයා වෙත වතිකාන තානාපති හිමිපාණන් සිය ස්තුතිය පළ කළ බවයි ජනාධිපති මාධ්ය අංශය නිවේදනය කළේ.
