මිලෙන් අධික විද්‍යුත් දුම්වැටි තොගයක් සමග ගුවන් මගියෙකු අත්අඩංගුවට ගෙන තිබෙනවා.
දසත ගුවන් තොටුපොළ වාර්තාකරු පැවසුවේ; පෙරේදා (05) අලුයම 01ට මැලේසියාවේ ක්වාලාලම්පූර් නුවර සිට එම ගුවන් සේවයේ එම්.එච්.- 179 දරන ගුවන් යානයෙන්
සැකකාර මගියා කටුනායක ගුවන් තොටුපොළ වෙත පැමිණ ඇති බවයි.
මෙම සැකකරු සූක්ෂ්ම අන්දමින් මෙරටට ගෙනා විද්‍යුත් දුම්වැටි 1105ක් ගුවන් තොටින් එළියට රැගෙන යාමට උත්සාහ කිරීමේ දීයි ගුවන් තොටුපොළ පොලිස් මත්ද්‍රව්‍ය නාශක අංශයේ නිලධාරීන් පිරිසක් විසින් හෙතෙම අත්අඩංගුවට ගනු ලැබුවේ.
අදාළ විද්‍යුත් දුම්වැටි තොගයේ වෙළෙඳපොළ වටිනාකම රුපියල් විසිලක්ෂ හැටදහස් හයසිය තිස්හයක් බවටත් හෙළි ව තිබෙනවා.
සැකකාර ගුවන් මගියා මීගමුව, පෙරියමුල්ල ප්‍රදේශයේ පදිංචි 36 හැවිරිදි ව්‍යාපාරිකයෙකු බවයි හෙළි ව ඇත්තේ.
රේගු පරීක්ෂණයෙන් අනතුරුව නියම කර ඇත්තේ විද්‍යුත් දුම්වැටි තොගය රාජ සන්තක කර මෙම පුද්ගලයාට රුපියල් ලක්ෂ 05ක දඩ මුදලක් ගෙවන ලෙසටයි.
