නයිජීරියාවේ; නයිජර් ගඟේ කාන්තාවන් සහ ළමුන් සිය ගණනක් රැගත් බෝට්ටුවක් පෙරළීමෙන් පසුගිය ඔක්තොබර් 01 වැනිදා පුද්ගලයින් 60ක් මියගොස් ඇති බව ද නිව්යෝර්ක් ටයිම්ස් පුවත් සේවය වාර්තා කරනවා.
ගලවා ගැනීමේ සේවකයින් විසින් දිවි ගලවාගැනීමේ කටයුතු මෙහෙය වීමේදී අවම වශයෙන් පුද්ගලයින් 80ක් පමණ අතුරුදන් වී ඇති බවයි වාර්තා වන්නේ.
නයිජීරියාවේ වයඹදිග නයිජර් ප්රාන්තයේ මහ නගර සභාවක් වන මොක්වා හි වාර්ෂික ආගමික උත්සවයකට සහභාගී වීමට යමින් සිටි මගීන් 300 කට වැඩි පිරිසක් මෙම බෝට්ටුවේ සිටි බව මොක්වා පළාත් පාලන අධිකාරියේ ප්රකාශක අබ්දුල්ලාහි ඩකානි පවසා තිබෙනවා.
නයිජර් ප්රාන්ත හදිසි කළමනාකරණ ඒජන්සිය විසින් පවත්වාගෙන යනු ලබන සායනයකින් පුද්ගලයින් 150 කට වැඩි පිරිසක් බේරාගෙන ප්රතිකාර ලබා දී ඇති බව ප්රාන්තයේ මානුෂීය කටයුතු සහ ආපදා කළමනාකරණ අමාත්යාංශයේ ප්රකාශක හබිබු වුෂිෂි පවසා තිබුණා.
