ලෙබනනයේ හිස්බුල්ලා ත්‍රස්තවාදීන් ඉලක්ක කර ගනිමින් ඊශ්‍රායල විසින් එල්ල කරන ලද දැඩි ගුවන් ප්‍රහාරවලින් අවම වශයෙන් පුද්ගලයන් 492 දෙනෙකු මිය ගොස් ඇති බව එරට සෞඛ්‍ය අමාත්‍යාංශය පවසනවා.
මියගිය අය අතර ළමුන් 35ක් සහ කාන්තාවන් 58ක් සිටින අතර, තවත් 1,645ක් තුවාල ලබා ඇති බව එරට සෞඛ්‍ය අමාත්‍යාංශය වැඩිදුරටත් පැවසුවේ.
එමෙන්ම ලෙබනන් බලධාරීන් සඳහන් කළේ වසර 20කට ආසන්න කාලයක් පවතින ගැටුම්වල දී ඊයේ දිනය මාරාන්තික ම ගැටුමේ පැවති දිනයක් බවයි.
මේ අතර 2006 යුද්ධයෙන් පසු හිස්බුල්ලා සන්නද්ධ කණ්ඩායම ගොඩනඟා තිබූ යටිතල පහසුකම් විනාශ කිරීමේ මෙහෙයුමක දී ඉලක්ක 1,300කට පහර දුන් බවයි ඊශ්‍රායල හමුදාව ප්‍රකාශ කළේ.
එමෙන්ම හිස්බුල්ලා සංවිධානය උතුරු ඊශ්‍රායලයට රොකට් 200 කට වැඩි ප්‍රමාණයක් දියත් කර ඇති අතර, වෛද්‍යවරුන් පැවසුවේ රොකට් කැබලිවලට කැඩී යාමෙන් සිදු වූ අනතුරුවලින් දෙදෙනෙකු තුවාල ලබා ඇති බවයි.
උතුරු ඊශ්‍රායලයේ ජීවත්වන ජනතාව බොහෝ ප්‍රදේශවලින් ඉවත්කර ඇති බවයි විදෙස් මාධ්‍ය වාර්තා කළේ.
