ශ්රී ලංකා නව ජනාධිපති ධුරයට පත් අනුර කුමාර දිසානායක වෙත චීන ජනාධිපති ෂී ජින් පිං සුබපැතුම් එක්කර තිබෙනවා.
චීනය සහ ශ්රී ලංකාව සාම්ප්රදායික මිත්ර අසල්වැසියන් බවයි ෂී ජින් පිං ජනාධිපතිවරයා එම සුබපැතුම් පණිවුඩය යොමුකරමින් පෙන්වා දෙන්නේ.
මීට වසර 67 කට පෙර චීනය සහ ශ්රී ලංකාව අතර රාජ්ය තාන්ත්රික සබඳතා ආරම්භ කළ දා සිට දෙරට සෑම විටම එකිනෙකා අවබෝධ කර ගනිමින් සහයෝගය ලබා දෙමින් මිත්රශීලී සහජීවනය සහ අන්යෝන්ය වශයෙන් වාසිදායක සහයෝගීතාවය සඳහා ලොකු කුඩා රටවලට ආදර්ශයක් සපයා ඇති බවයි ඔහු පවසන්නේ.
චීන-ශ්රී ලංකා සබඳතා වර්ධනයට තමන් විශාල වැදගත්කමක් ලබා දෙන බවත්, සාම්ප්රදායික මිත්රත්වය පවත්වා ගැනීමට සහ දේශපාලන අන්යෝන්ය විශ්වාසය වැඩි දියුණු කිරීමට අනුර කුමාර දිසානායක සමඟ කටයුතු කිරීමට කැමැත්තෙන් සිටින බවත් ෂී ජින් පිං ජනාධිපතිවරයා පවසනවා.
එමෙන්ම චීනය සහ ශ්රී ලංකාව අතර “එක් තීරයක් එක් මාවතක්” උසස් තත්ත්වයේ ඒකාබද්ධව ගොඩනැගීම වඩාත් ඵලදායී ප්රතිඵල ලබා ගැනීමටත්, අවංක අන්යෝන්ය සහයෝගීතාවයෙන් සහ පාරම්පරික මිත්රත්වයකින් යුතු චීනය සහ ශ්රී ලංකාව අතර ස්ථාවර හා දිගුකාලීන උපායමාර්ගික සහයෝගීතා හවුල්කාරිත්වය ප්රවර්ධනය කරමින් දෙරට සඳහා වැඩි ප්රතිලාභ ඇති කිරීමටත් අඛණ්ඩව කටයුතු කරන බව ද ඔහු අනුර කුමාර ජනාධිපතිවරයාව සුබපතමින් වැඩිදුටත් පවසා තිබෙනවා.
