ශ්‍රී ලංකා ප්‍රජාතාන්ත්‍රික සමාජවාදී ජන රජයේ 09 වන විධායක ජනාධිපතිවරයා ලෙස 2024 ජනාධිපතිවරණය සඳහා ජාතික ජන බලවේගයෙන් තරග කළ අනුර කුමාර දිසානායක මහතා අද (22) තේරී පත්ව තිබෙනවා.
ඒ, 09 වන විධායක ජනාධිපතිවරයා තෝරා පත්කර ගැනීම වෙනුවෙන් ඊයේ (21) පැවති මැතිවරණයේ දී ඡන්ද 5,740,179ක් ලබාගනිමින්.
ශ්‍රී ලංකාවේ 09 වන විධායක ජනාධිපතිවරයා තෝරා පත්කර ගැනීම සඳහා වූ ඡන්ද විමසීමට අපේක්ෂකයින් 38 දෙනෙකු තරග කළ අතර, එහිදී ඔහුට ප්‍රබල අභියෝගයක් ලබාදෙමින් සමගි ජන සන්ධානයේ ජනාධිපති අපේක්ෂකයා ලෙස තරග කළ සජිත් ප්‍රේමදාස මහතා ඡන්ද 4,530.902ක් ලබාගනිමින් දෙවන තැනට පත් වුණා.
මේ අතර මැතිවරණය අවසන් වූ බවට දැනුම්දීම සහ ශ්‍රී ලංකාවේ මීළඟ ජනාධිපතිවරයා ලෙස තේරී පත් වූ බවට වන දැනුම්දීම සඳහා මැතිවරණ කොමිෂන් සභාවේ සභාපති ආර්.එම්.ඒ.එල්. රත්නායක මහතා මේ වනවිට මැතිවරණ කොමිෂන් සභාවේ දී විශේෂ ප්‍රවෘත්ති සාකච්ඡාවක් කැඳවා තිබෙනවා.
මෙම අවස්ථාව වෙනුවෙන් ශ්‍රී ලංකාවේ 09 වන විධායක ජනාධිපති ලෙස අද දිනයේ තේරී පත් වූ අනුර කුමාර දිසානායක මහතා සහ ජනාධිපතිවරණය සදහා තරග කළ අනෙකුත් අපේක්ෂකයින් පැමිණ සිටිනවා.
