“හෙට පැවැත්වෙන සාකච්ඡාවෙන් පසු ශ්‍රී ලංකාව බංකොළොත්භාවයෙන් නිදහස් වෙනවා” – ජනපති

ශ්‍රී ලංකා රජය සහ ජාත්‍යන්තර ස්වෛරි බැදුම්කර හිමියන් අතර සාකච්ඡාවක් හෙට (19) දින පැවැත්වෙන බවත්, එම සාකච්ඡාවෙන් පසුව ශ්‍රී ලංකාවේ බංකොළොත්භාවය සම්පූර්ණයෙන් අවසන් වී සියලු රටවල සහාය නැවත මෙරටට හිමිවන බවත් ජනාධිපති රනිල් වික්‍රමසිංහ පවසනවා.

තමාට යම් වැඩ කොටසක් භාර දුන්නා නම් එම වැඩ කොටස සාර්ථකව අවසන් කළ බවට වූ පණිවිඩය සැප්තැම්බර් 21 වනදාට පෙර ජනතාවට ලබා දීමට හැකිවීම පිළිබඳ තමන් සතුටු වන බවද ජනාධිපතිරවයා මෙහිදී ප්‍රකාශ කළා.

ජනාධිපතිවරයා මේ බව සඳහන් කර සිටියේ අද (18) පස්වරුවේ මාතර උයන්වත්ත ක්‍රීඩාංගණයේ පැවති “රනිල්ට පුළුවන්” විජයග්‍රාහී ජන රැලිය අමතමින්.

මෙවර මැතිවරණයේ දී රට ඉදිරියට ගෙන යා හැකි නායකයෙක් පත්කරගැනීම මහජනතාව සතු වගකීම බවද මෙම හමුවට එක්වෙමින් ජානාධිපතිවරයා අවධාරණය කළා.

සජිත්ට හා අනුරට මෙරට ආර්ථික ගැටළුවට විසඳුම් තිබුණා නම් මීට වසර දෙකකට පෙර රට භාර නොගත්තේ ඇයි කියා ද ජනාධිපතිවරයා මෙහිදී ප්‍රශ්න කෙරුණා.