සමගි ජන සන්ධානයේ ඊයේ (17) රාත්රියේ දී පැවති ජන රැලියේ දී කුඩා දරුවෙකු තමන් හට එම වේදිකාවේ ගීත ගායනා කිරීමට අවශ්ය බවට කියමින් හැඬූ පුවතක් වාර්තා වනවා.
අප වාර්තාකරු පැවසුවේ මෙම කුඩා දරුවා සමගි ජන බලවේගය ආසන සංවිධායකවරුන් අසලට ගොස් තමන්ට ගීත ගායනා කරන්නට අවස්ථාවක් ලබාදෙන ලෙසට ඉල්ලමින් හඬා වැටුණු බවයි.
එම අවස්ථාවේදී සජබ පක්ෂ නියෝජිතයින් පවසා ඇත්තේ දරුවාට එම අවස්ථාව ලබාදීමට සංවිධායක මණ්ඩලය ලවා කටයුතු කරලීමට උත්සාහ ගන්නා බවයි.
කෙසේවෙතත් ඉන් පසුව දරුවා හැඬීම නතර කර මාධ්යයට තමන් හැඬීමට හේතු පවසා තිබෙනවා.
තමන්ට වේදිකාව මත ගීත ගායනා කිරීමට ආසාවක් තිබූ බවත්, තමන් එහි පැමිණියේ ඒ සඳහා බවත් අවස්ථාවක් නොලැබේ යැයි සිතා දුක සිතී හැඬූ බවත් හෙතෙම කියා සිටියා.
එවිට අප මාධ්යවේදියා විමසා ඇත්තේ ගායනා කිරීමට බලාපොරොත්තු වන ගීත කවරේද යන්නයි.
එම පැනයට දරුවා විසින් පවසනු ලැබුවේ මේ වනවිට ජනප්රිය තලයක පවතින ගීත වන ‘කාසි සබන් පෙණලු සහ සීතල හාදුවකින්” යන ගීත තමන් සමගි ජන සන්ධාන වේදිකාව මත ගායනා කිරීමට කැමති බවයි.
මෙම සජබ රැලිය වර්ණවත් සහ ප්රබෝධමත් කරමින් සංගීත සංදර්ශනයක් ද පැවැත්වුණා.
ඊට රූකාන්ත ගුණතිලක, පේෂල මනෝජ්, අශාන්යා, වැනි ගායක ගායිකාවන් පැමිණ සිටි බවයි වාර්තා වන්නේ.
