පුද්ගලික ආදායම් බදු සංශෝධනය වෙන්නේ මෙහෙමයි

රජයේ බදු ආදායම ඉහළ නංවා ගැනීමේ ක්‍රමවේදයක් වශයෙන් 2023-01-01 දින සිට වාර්ෂික ආදායම් බදුවලින් නිදහස් වීමේ සීමාව රුපියල් මිලියන 1.2ක් ලෙසත්, ආන්තික බදු ප්‍රතිශතය 6% සිට 36% දක්වා වන ලෙසත් පුද්ගලික ආදායම් මත බදු අය කිරීමේ ක්‍රමවේදයක් හඳුන්වා දෙනු ලැබුවා.

එමඟින්, රජයේ බදු ආදායම ඉහළ යාම සිදු වුවත්, පුද්ගලික ආදායම් බද්දට යටත් වූ පිරිස අතරින් වැඩි බලපෑමකට ලක් වූ මැදි ආදායම් ලබන පිරිසට යම් සහනයක් ලැබිය යුතු බවට ඉදිරිපත් වූ ඉල්ලීම් සලකා බලා රජය ජාත්‍යන්තර මූල්‍ය අරමුදල සමඟ ඒ සම්බන්ධයෙන් සාකච්ඡා පවත්වා තිබෙනවා.

2024 වර්ෂයේ මැද භාගය වන විට රජයේ බදු ආදායම් ඉලක්ක සාක්ෂාත් කර ගනිමින් පැවතීම සහ ඇතැම් රාජ්‍ය මූල්‍ය ඉලක්ක ඉක්මවා තිබීම එම සාකච්ඡාවල දී අවධානයට යොමු වී ඇති බව සදහන්.

ඒ, අනුව 2025-04-01 දින සිට පහත සඳහන් පරිදි කටයුතු කිරීමටත්, ඒ සඳහා අවශ්‍ය නීතිමය විධිවිධාන පැනවීමට හැකි වන පරිදි 2017 අංක 24 දරණ දේශීය ආදායම් පනත සංශෝධනය කිරීම සඳහා අවශ්‍ය පියවර ගැනීමටත් මුදල්, ආර්ථික ස්ථායීකරණ සහ ජාතික ප්‍රතිපත්ති අමාත්‍යවරයා වශයෙන් ජනාධිපතිවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර තිබෙනවා.

යෝජිත සංශෝධනයන්හි බලපෑම පහතින්.