දශක ගණනාවක් තිස්සේ, චීන කම්කරුවන් සාපේක්ෂ වශයෙන් තරුණ වයසේ දී ඔවුන්ගේ වැඩ ජීවිතය අවසන් කරන බව විදෙස් මාධ්‍ය පෙන්වා දෙනවා.
නමුත් චීනය විසින් අද (13) දින සිට එම ක්‍රමවේදය වෙනස් කිරීමේ නීති මාලාවක් හඳුන්වා දී ඇති බවයි වාර්තා වන්නේ.
නාගරික ප්‍රදේශවල පිරිමින්ට වයස අවුරුදු 60 දී විශ්‍රාම ගොස් විශ්‍රාම වැටුප් ලැබිය හැකි බවත්, කාන්තාවන්ට වයස අවුරුදු 50 හෝ 55 දී ඔවුන්ගේ රැකියාව අනුව විශ්‍රාම වැටුප් ලැබිය හැකි බවත් පවතින නීතිරීතිවල සඳහන්.
නමුත් නව නීති ක්‍රමයෙන් පිරිමින්ට වයස අවුරුදු 63 දක්වාත්, කාන්තාවන් සඳහා පිළිවෙලින් අවුරුදු 55 සහ 58 දක්වාත් සේවය කළ හැකියි.
ඔවුන් එවැනි තීරණයක් ගෙන ඇත්තේ 1950ට පසුව පළමු වරට බව සඳහන්.
ඊට ප්‍රධාන හේතුව ලෙස එරට බලධාරීන් සඳහන් කරන්නේ වයසක ජනගහනය වර්ධනය වීම සහ විශ්‍රාම වැටුප් ගෙවීම සඳහා සිදුවන වැය ඉහළ යාමයි.
