හිටපු පාර්ලිමේන්තු මන්ත්‍රී උද්දික ප්‍රේමරත්නගේ නිවසට වෙඩිතැබීම සම්බන්ධයෙන් සැකපිට අත්අඩංගුවට පත්ව සිටි සහකාර පොලිස් අධිකාරි සංජීව මහානාමට අද (13) දින ඇප නියම කර තිබෙනවා.
හිටපු පාර්ලිමේන්තු මන්ත්‍රී උද්දික ප්‍රේමරත්නගේ නිවසට සහ ඔහු ගමන් ගත් රථයට වෙඩිතැබීම සම්බන්ධයෙන් සැකපිට අත්අඩංගුවට ගත් හිටපු සහකාර පොලිස් අධිකාරී සංජීව මහානාම රක්ෂිත බන්ධනාගාරගතව සිටියා.
අද (13) දින නැවත එම නඩුව කැඳවූ අතර අධිකාරිවරයා අත්අඩංගුවට ගැනීමේ දී ඔහු රැඳී සිටි නිවස පිළිබඳව විමර්ශනයක් කළ යුතු බව පොලිසිය ඉල්ලීමක් කළ තිබුණ ද සහකාර පොලිස් අධිකාරි සංජීව මහානාමට ඇප ලබා නොදීමට තරම් ප්‍රමාණවත් කරුණක් නොවන හෙයින් අද (13) දින අනුරාධපුර මහේස්ත්‍රාත් විසින් රුපියල් ලක්ෂ දෙකක ශරීර ඇප දෙකක් මත සංජීව මහානාම හට ඇප ලබාදීමට කටයුතු කර තිබුණා.
ඔහු වෙනුවෙන් පෙනී සිටි නීතිඥවරුන් පවසා සිටියේ වෙනත් කිසිදු නඩුවක් හෝ චෝදනාවක් මෙම නඩුවට අදාළ නොවන බවත් මෙම නඩුව හිටපු පාර්ලිමේන්තු මන්ත්‍රී උද්දික ප්‍රේමරත්නගේ නිවසට වෙඩි තැබීම සිදු කළ ගිනි අවිය සංජීව මහානාමට අයත් ගිනි අවියෙන් නිකුත් වූ උණ්ඩ බවට නිගමනය කළ නොහැකි බව රස පරීක්ෂණ වාර්තාවේ සඳහන් වී ඇති බව නීතිඥවරුන් පවසා සිටියා.
එම කරුණු සැලකිල්ලට ගෙන අද (13) දින හිටපු සහකාර පොලිස් අධිකාරිවරයාට ඇප ලබාදීමට තීන්දු කර තිබුණා.
