භූ විද්යා හා පතල් කැණීම් කාර්යාංශයෙන් වැලි බලපත්රයක් ලබාදෙන බව පවසා රුපියල් ලක්ෂ 15ක අල්ලස් මුදලක් ලබාගත් ප්රබල පරිසර රාජ්ය අමාත්යවරයෙකුගේ පුද්ගලික ලේකම්වරයෙක් සහ නිලධාරීන් දෙදෙනකු ලබන 27 වැනිදා දක්වා තවදුරටත් රක්ෂිත බන්ධනාගාරගත කරන ලෙස කොළඹ ප්රධාන මහේස්ත්රාත් තිළිණ ගමගේ මහතා නියෝග කර තිබෙනවා.
සිය සේවාදායකයන් දැනට මාස එකහමාරකට ආසන්න කාලයක් රක්ෂිත බන්ධනාගාරගතව සිටින බැවින් ඕනෑම කොන්දේසියක් මත ඔවුන්ව ඇප මත මුදා හරින ලෙස සැකකරුවන් වෙනුවෙන් පෙනී සිටින ජනාධිපති නිතිඥ යු.ආර්.ද සිල්වා මහතා සහ නීතිඥ ඇන්ටන් සේනානායක මහතා ඉල්ලා සිටියා.
එහෙත් තවමත් විමර්ශන අවසන් නැති බව අල්ලස් කොමිසමේ විමර්ශන නිලධාරීන් මහේස්ත්රාත්වරයා වෙත දන්වා සිටියා.
එම කරුණු සලකා බැලු මහේස්ත්රාත්වරයා සඳහන් කළේ; අල්ලස් පනත යටතේ අත්අඩංගුවට ගෙන ඇති සැකකරුවන්ට ඇප දීමට තම අධිකරණයට බලයක් නොමැති බැවින් එම ඇප ඉල්ලීම ප්රතික්ෂේප කරමින් තවදුරටත් රක්ෂිත බන්ධනාගාරගත කරන ලෙස නියෝග කෙරුණා.
එමෙන්ම විමර්ශන කඩිනමින් අවසන් කර ප්රගතිය අධිකරණයට ඉදිරිපත් කරන ලෙස ද විමර්ශන නිලධාරීන්ට නියෝග කළ බවයි අප අධිකරණ වාර්තාකාරිණිය පැවසුවේ.
පැමිණිලිකරුට වැලි කැණීම් බලපත්ර ලබාදීම සඳහා සකස් කර තිබියදි එය ලබා නොදෙන ලෙස අදාළ රාජ්ය අමාත්යවරයා විසින් භූ විද්යා හා පතල් කාර්යාංශයේ ප්රාදේශීය නිලධාරීන්ට බලපෑම් කර ඇති බව ද සොයා ගත් බව විමර්ශන නිලධාරීන් අධිකරණයට පැවසුවා.
එම සැකකාර පුද්ගලික ලේකම්වරයා අත්අඩංගුවට ගැනීමට ගිය අවස්ථාවේදී විමර්ශන නිලධාරීන් කාර්යාලයේ සිටි ඔහුගේ අනුගාමිකයන් විශාල වශයෙන් බලපෑම් කළ බව ද විමර්ශන නිලධාරීන් අධිකරණයට පෙන්වා දී තිබෙනවා.
එමෙන්ම මෙහි පළමු සැකකරු රාජ්ය අමාත්යාංශයේ අමාත්යවරයාගේ පුද්ගලික ලේකම් ලෙස පත්වීම ලබාගත් පත්විම් ලිපිය ද මේ වන විට අමාත්යාංශයේ ඇති ලිපිගොනුවලින් අතුරුදන්ව ඇති බව ද විමර්ශන නිලධාරීන් විසින් මහේස්ත්රාත්වරයා වෙත දන්වා සිටියා.
එසේ නම් අත්අඩංගුවට ගත යුත්තේ රාජ්ය අමාත්යවරයා මිස තම සේවාදායකයන් නොවන බව ද සැකකරුවන් වෙනුවෙන් පෙනී සිටින නීතිඥවරු සඳහන් කළා.
ඇප ලබා ගැනීමට අවශ්ය නම් ඒ සඳහා සුවිශේෂී කරණු ඉදිරිපත් කළ යුතු බව ද ප්රධාන මහේස්ත්රාත්වරයා සැකකරුවන් වෙනුවෙන් පෙනී සිටින නීතිඥවරුන්ට පැවසූ බවයි අධිකරණ වාර්තාකාරිණිය ප්රකාශ කළේ.
