ඉකුත් (04) දින නොර්වුඩ් ප්‍රදේශයේ 15 හැවිරිදි පාසල් සිසුන් සිව්දෙනෙකු අතුරුදන් වී තිබෙනවා.
නොර්වුඩ් සෙන් ජොන් ටිලරි වතුයායේ පදිංචි මෙම සිසුන් සිව්දෙනා එම වතුයායේම පාසලේ 10 ශ්‍රේණියේ අධ්‍යාපනය ලැබූ බවයි වාර්තා වුණේ.
ඉකුත් (04) දින සිට එම සිසුන් සිව්දෙනා අතුරුදන් වී ඇති බවට අතුරුදන් වූ පාසල් සිසුවෙකුගේ පියෙකු විසින් නොර්වුඩ් පොලිසියට පැමිණිල්ලක් කර තිබුණා.
එම සිසුන් රැකියාවක් සොයාගැනිමේ අරමුණින් රාගම ප්‍රදේශයේ ඥාතියෙකු හමුවීමට දුම්රියෙන් ගොස් ඇති බවයි තොරතුරු අනාවරණය වී ඇත්තේ.
පසුව එම සිසුන් සිව්දෙනා රාගම ප්‍රදේශයේ සිටිය දී පොලිස් භාරයට ගෙන දෙමව්පියන් වෙත භාරදීමට කටයුතු කර තිබෙනවා.
ඒ, අනුව පොලිසිය කියා සිටින්නේ, ළමුන් සිව්දෙනෙකු අතුරුදන් වී ඇති බවට හැටන් මහෙස්ත්‍රාත් අධිකරණය වෙත කරුණු වාර්තා කර ඇති නිසා එම සිසුන් සිව්දෙනා සහ දෙමව්පියන් හැටන් මහෙස්ත්‍රාත් අධිකරණය වෙත ඉදිරිපත් කර මහෙස්ත්‍රාත්වරයාගේ නියෝගය පරිදි ඉදිරි ක්‍රියාමාර්ග ගන්නා බවයි.
