පුත්තලම දුම්රිය මාර්ගයේ හලාවත සහ බංගදෙණිය අතර ප්‍රදේශයට ගසක් කඩා වැටීමෙන් දුම්රිය ධාවනයට බාධා එල්ල වී තිබෙනවා.
අද (21) අලුයම් කාලයේ දී මෙම සිදුවීම සිදු ව ඇති බවයි වාර්තා වන්නේ.
මේ හේතුවෙන් පාන්දර 4.30ට ධාවනය වූ කාර්‍යාලයීය දුම්රිය ධාවන කටයුතු ද අතරමගින් ඇනහිට තිබෙනවා.
මේ වනවිට දුම්රිය සුළු සේවකයින් එක් ව ගස ඉවත් කිරීමේ කටයුතු සිදු කරන බවයි වාර්තා වන්නේ.
මේ දිනවල ඇදහැලෙන ධාරානිපාත වර්ෂාව හේතුවෙන් මෙම ගස කඩා වැටෙන්නට ඇතැයි විශ්වාස කෙරෙනවා.
