මොණරාගල ප්‍රාදේශීය ලේකම් කොට්ඨාසයට අයත් කුඹුක්කන – අන්දරමණ්ඩිය ප්‍රදේශයට අද (19) උදෑසන වනඅලි හය දෙනෙකුගෙන් යුත් අලි රංචුවක් කඩා වැදී තිබෙනවා.
අප ප්‍රාදේශීය වාර්තාකරු පැවසුවේ; වනඅලි කඩා වැදීම හේතුවෙන් ගම්වැසියන් බියට පත් ව කලබලකාරී තත්ත්වයක් හටගෙන ඇති බවයි.
ගම්මානයට කඩා වැදුණු වනඅලි ප්‍රදේශයේ කලහකාරි ලෙස හැසිරී ඇති අතර වනඅලි පහරදීම නිසා ත්‍රීරෝද රථයකට දැඩි අලාභ හානි සිදු වී ඇති බවත් වාර්තා වනවා.
ප්‍රදේශයේ වගා ඉඩම් රැසක් ද වනඅලි විසින් විනාශ කර දමා ඇති බවයි අප ප්‍රාදේශීය වාර්තාකරු පැවසුවේ.
