මෙවර ආසියානු කාන්තා ක්‍රිකට් කුසලානය දිනාගත් ශ්‍රී ලංකා කාන්තා ක්‍රිකට් කණ්ඩායමේ ජ්‍යේෂ්ඨතම පන්දු යවන්නිය වන උදේශිකා ප්‍රබෝධනී සහ අනුෂ්කා සංජීවනී යන ක්‍රීඩිකාවන් උණුසුම් අයුරින් පිළිගැනීම ඔවුන්ගේ ගම් ප්‍රදේශයන් හි දී සිදු කෙරුණා.
අප ප්‍රාදේශීය වාර්තාකරු පැවසුවේ; උදේශිකා ප්‍රබෝධිනී ව ඇයගේ ගම් පළාත වන අම්බලන්ගොඩ – කරන්දෙණිය නගරයේ දීත්, අනුෂ්කා සංජීවනී ව හික්කඩුව ප්‍රදේශයේ දී ද උණුසුම් අයුරින් පිළිගැනීමට විශේෂ උත්සව සංවිධානය කර තිබූ බවයි.
ඉන්දීය කාන්තා කණ්ඩායම මෙවර ආසියානු කුසලානයේ අවසන් මහා තරගයේ දී පරාජයට පත් කරමින් චමරි අතපත්තු ප්‍රමුඛ ශ්‍රී ලංකා කාන්තා ක්‍රිකට් කණ්ඩායම පළමු වරට ආසියානු කාන්තා කුසලානයක් තමන් සතු කරගත්තා.
එම කණ්ඩායම වෙනුවෙන් දක්ෂ අයුරින් ක්‍රීඩා කළ අනුෂ්කා සංජීවනී සහ උදේශිකා ප්‍රබෝධිනී ව ඔවුන් ඉගෙනුම ලැබූ පාසල් වන හික්කඩුව ශ්‍රී සුමංගල විද්‍යාලයත්, කරන්දෙණිය මහා විද්‍යාලයත් විශේෂ රථ පෙරහැරකින් ඔවුන් ව කැඳවා ගෙන ගියා.
මෙම අවස්ථාවට ප්‍රදේශවාසීන් ද එක් ව සිටි බවයි වාර්තා වන්නේ.
සියලු දෙනාටම හදවතින්ම සුභ පතනවා