ශ්රී ලංකා ක්රිකට් මුහුණ දෙන ගැටලු පිළිබඳව කරුණු අධ්යයනයට පත් කළ චිත්රසිරි කමිටුව විසින්, ශ්රී ලංකා ක්රිකට් සඳහා කෙටුම්පත් කර අවසන් නව ව්යවස්ථාව නීතිගත කිරීම සඳහා ඊයේ රැස් වූ අමාත්ය මණ්ඩලයේ අනුමැතිය හිමිව තිබෙනවා.
ශ්රී ලංකා ක්රිකට් මුහුණ දෙන ගැටලු පිළිබඳව කරුණු අධ්යයනය කර අමාත්ය මණ්ඩලය වෙත නිර්දේශ ඉදිරිපත් කිරීම සඳහා විදේශ කටයුතු අමාත්ය අලි සබ්රි මහතාගේ ප්රධානත්වයෙන් අමාත්ය මණ්ඩල අනුකමිටුවක් පත්කරනු ලැබුවා.
එම අමාත්ය මණ්ඩල අනුකමිටුවේ වාර්තාවේ නිර්දේශයන්ට අනුකූලවන පරිදි ශ්රී ලංකා ක්රිකට් සඳහා නව ව්යස්ථාවක් කෙටුම්පත් කිරීම පිණිස විශ්රාමලත් ශ්රේෂ්ඨාධිකරණ විනිසුරු කේ.ටී. චිත්රසිරි මහතාගේ ප්රධානත්වයෙන් යුත් කමිටුවක් පත් කිරීමටයි කටයුතු කළේ.
එම කමිටුව මඟින් සකස් කළ වාර්තාව ජනධිපති රනිල් වික්රමසිංහ වෙත භාර දුන්නේ පසුගිය ජුනි මස 15 වනදායි.
එමඟින් නිර්දේශ කර තිබුණේ ක්රිකට් සභාපතිවරයා තෝරාගැනීම, ක්රීඩා සංගම් ඡන්දයෙන් සිදුනොකළ යුතු බවයි.
එමෙන්ම, 18 දෙනකුගෙන් සමන්විත ක්රිකට් නිලධාරී මණ්ඩලයට ජාත්යන්තර ක්රිකට් ක්රිඩාවේ නිරත වූ ක්රීඩකයින් පස්දෙනෙකු ඇතුළත් විය යුතුවීම, ඇතුළු කරුණු රැසක් විනිසුරු චිත්රසිරි කමිටු වාර්තාවේ දැක්වෙනවා.
චිත්රසිරි කමිටුව මඟින් එලෙස ශ්රී ලංකා ක්රිකට් සඳහා නව ව්යවස්ථාව කෙටුම්පත් කර ඇති අතර, යෝජිත ශ්රී ලංකා ක්රිකට් ව්යස්ථාව විධිමත් පරිදි සම්මත කර ක්රියාත්මක කිරීම සඳහා පනත් කෙටුම්පතක් සකස් කරන ලෙස නීති කෙටුම්පත් සම්පාදකට උපදෙස් දෙන ලෙසයි අමාත්ය මණ්ඩලය වෙත මෙලෙස ඒකාබද්ධ යෝජනාවක් ඉදිරිපත්කර ඇත්තේ.
