තීරුබදු නොගෙවා මෙරටට ආනයනය කරන ලද ලක්ෂ 20ක් පමණ වටිනා විදේශීය දුම්වැටි 20,000ක් හා විවිධ වර්ගයේ විදේශීය මත්පැන් බෝතල් තොගයක් සමග පුද්ගලයකු පොලිස් විශේෂ කාර්ය බලකා නිලධාරීන් අත්අඩංගුවට ගෙන තිබෙනවා.
තොරතුරු වාර්තා වන පරිදි මෙම වැටලීම සිදු කර ඇත්තේ; විශේෂ කාර්ය බලකාය සංවිධානාත්මක අපරාධ මර්දන ඒකකය II විසින් පෙරේදා (16) දිනයේ දී යි.
කටාන පොලිස් වසමේ – කළුවාරිප්පුව බටහිර ප්‍රදේශයේ දීයි සැකකරු අත් අඩංගුවට ගෙන ඇත්තේ.
තීරුබදු නොගෙවා මෙරටට ආනයනය කරන ලද ලක්ෂ 20ක් පමණ වටිනාකමකින් යුතු BUSINESS ROYALS වර්ගයේ නීතිවිරෝධී විදේශීය දුම්වැටි 20,000 ක් හා බලපත්‍රයක් නොමැති ව අනුමත ප්‍රමාණය ඉක්මවා විවිධ වර්ගයේ විදේශීය මත්පැන් බෝතල් 175 ක් සොයාගැනුණා.
සැකකරු තිඹිරිගස්කටුව ප්‍රදේශයේ පදිංචි වයස අවුරුදු 35ක පුද්ගලයෙක්.
සිද්ධිය සම්බන්ධයෙන් කටාන පොලිසිය වැඩිදුර විමර්ශන සිදු කරනවා.
