ඓතිහාසික නීලගිරි මහා සෑයේ සර්වඥ ධාතු තැන්පත් කර තිබෙනවා.
ඒ අද (15) පෙරවරුවේ ආරක්ෂක ලේකම් විශ්‍රාමික ජෙනරල් කමල් ගුණරත්න හා ගුවන් හමුදාධිපති එයාර් මාර්ෂල් උදේනි රාඡපක්ෂගේ ප්‍රධානත්වයෙන්.
ශ්‍රි ලංකා ගුවන් හමුදාවේ පුර්ණ ශ්‍රම දායකත්වයෙන් ඉදි කරනු ලැබූ නැගෙනහිර පළාතේ මොනරාගල සහ අම්පාර දිස්ත්‍රික්ක මායිම් ව සියඹලාණ්ඩුව – පොතුවිල් මාර්ගයේ කිලෝමීටර් 19ක් දුරකින් පිහිටා ඇති මෙම සෑයේ උස අඩි 215ක් සහ පරිධිය එහි අඩි 104ක්.
මෙම ඓතිහාසික අවස්ථාවට ශ්‍රී ලංකා රාමඤ්ඤ මහා නිකායේ මහෝපාධ්‍ය ශ්‍රී ලංකා කල්‍යාණි යෝගාශ්‍රම සංස්ථාවේ ප්‍රධාන අනුශාසක අතිපූජ්‍ය පහළ විටියල ඡනානන්ද අනුනායක මාහිමිපානන් වහන්සේ ඇතුළු මහා සංඝරත්නය ද වැඩම කර සිටියා.
