ඕස්ට්‍රේලියානු පරිගණක පද්ධතිවලට අනවසරයෙන් ඇතුළු වන කණ්ඩායමක් විසින් ද්වේෂසහගත සයිබර් ප්‍රහාරවලට සහායවීම සම්බන්ධයෙන් චීනයේ රාජ්‍ය ආරක්ෂක අමාත්‍යාංශයට දොස් පැවරීමේ දුර්ලභ පියවරක් ඕස්ට්‍රේලියානු රජය විසින් ගෙන තිබෙනවා.
ආරක්ෂක අමාත්‍ය රිචඩ් මාල්ස් සහ විදේශ අමාත්‍ය පෙනි වොං ඒකාබද්ධව, විදේශීය ආරක්ෂක ආයතන සමඟ සම්බන්ධීකරණ පියවරක් ලෙස APT40 සයිබර් ප්‍රහාරක කණ්ඩායමක් ඕස්ට්‍රේලියානු පද්ධති වෙත ඇතුළු වී දත්ත සොරාගැනීම පිළිබඳ තොරතුරු ප්‍රසිද්ධ කළා.
ඕස්ට්‍රේලියාවට වැදගත් වන දේ සම්බන්ධයෙන් රජය “සම්මුතියකින් තොරව” චීනය සමඟ සම්බන්ධ වූ බව වොං පැවසූ අතර ස්වදේශ කටයුතු අමාත්‍ය ක්ලෙයාර් ඕ නීල් එම ප්‍රකාශයේම කියා සිටියේ විදේශ ආන්ඩුවල සයිබර් ආක්‍රමණය රට මුහුණ දෙන වැදගත්ම තර්ජනයන්ගෙන් එකක් බවයි.
අමාත්‍යවරුන් කිසිවෙක් ඔවුන්ගේ ප්‍රසිද්ධ ප්‍රකාශයන්හිදී APT40 හෝ චීන අමාත්‍යාංශය නම් නොකළ නමුත්, ආරක්ෂක අමාත්‍යවරයා වෙත වාර්තා කරන ආයතනයක් වන Australian Signals Directorate වෙතින් විධිමත් දැනුම්දීමක් ලෙස හැකර් කණ්ඩායම සහ අමාත්‍යාංශය නම් කරමින් නිශ්චිත ප්‍රහාර පිළිබඳ විස්තර නිකුත් කරනු ලැබ ඇතැයි ද සිඩ්නි මෝනිං හැරල්ඩ් වෙබ් අඩවිය වාර්තා කළා.
“APT40 ඕස්ට්‍රේලියාවේ උනන්දුවක් දක්වන ජාලවලට එරෙහිව නිරන්තර ඔත්තු බැලීම් සක්‍රීයව සිදු කරයි, එහි ඉලක්ක සම්මුතියට පත් කිරීමට අවස්ථාවන් සොයමින් සිටී,” ඒජන්සිය පවසනවා.
චීනය සයිබර් ප්‍රහාරවල ප්‍රධාන ගොදුරක් බවත් ඒවා මැඩපැවැත්වීම සඳහා නීත්‍යානුකූල ක්‍රම භාවිත කළ බව කැන්බරා හි චීන තානාපති කාර්යාලය උපුටා දක්වමින් වෙබ් අඩවිය වාර්තා කළා.
“චීනයට එරෙහි ඕනෑම පදනම් විරහිත මඩ ගැසීමකට සහ චෝදනාවලට අපි විරුද්ධ වෙමු. සයිබර් අවකාශය සුරක්ෂිතව තබා ගැනීම ගෝලීය අභියෝගයක්,” එහි ප්‍රකාශකයෙක් වෙබ් අඩවි වාර්තාව විසින් උපුටා දක්වනු ලැබ තිබෙනවා.
