බොක්ස් ඔෆිස් වාර්තා බිඳ දමමින් තිරගත වූ චිත්‍රපට රැසක නිෂ්පාදකවරයා වූ ජොන් ලැන්ඩෝ අභාවප්‍රත්ත වී තිබෙනවා.
ඔස්කාර් සම්මානලාභී ජොන් ලැන්ඩෝ අභාවප්‍රත්ත වනවිට 63 වන වියේ පසු වුණා.
වාර්තා පිට වාර්තා තබමින් තිරගත වූ සම්මානනීය චිත්‍රපට වූ ටයිටැනික්, ඇවටාර් වැනි නිර්මාණ රැසක් ජොන් ලැන්ඩෝ විසින් නිෂ්පාදනය කර තිබෙනවා.
මාස 16ක පමණ කාලයක් පිළිකාවක් සමඟ සටනකින් පසු ඔහු සිකුරාදා ලොස් ඇන්ජලීස්හිදී මිය ගිය බව ඩිස්නි ප්‍රකාශකයෙක් සඳහන් කළා.
ලැන්ඩෝ 1980 දශකයේ නිෂ්පාදන කළමනාකරුවෙකු ලෙස සිය වෘත්තීය ජීවිතය ආරම්භ කළ අතර, ක්‍රමයෙන් ඉහළට පැමිණි ඔහු අවසානයේ ටයිටැනික් නම් ඇති විශිෂ්ඨ චිත්‍රපටයේ නිෂ්පාදකයා බවට පත් වුණා.
1960 වසරේ ජූලි 23 වන දින නිව් යෝර්ක් හි උපත ලද ලැන්ඩෝ චිත්‍රපට නිෂ්පාදකයින් වන එලී සහ එඩී ලැන්ඩෝගේ පුත්‍රයායි.
ජොන් ලැන්ඩෝ සිය බිරිඳ ජූලි ලැන්ඩෝ සමඟ විවාහ වී සිටි අතර ඔවුන්ට ජේමි සහ ජෝඩි නමින් පුතින් දෙදෙනෙක් ද සිටිනවා.
