එක්සත් රාජධානියේ ජාත්‍යන්තර කාර්යාල කළමනාකරණ ආයතනය විසින් පිරිනමනු ලැබූ “ජාත්‍යන්තර කාර්යාල කළමනාකරු – 2024” සම්මානය දිනාගත් ආචාර්ය සුනේත්‍රා ජයරත්න නුගවෙල මහත්මිය දිවයිනට පැමිණියා.
ඇය මෙම සම්මානය රැගෙන අද (01) උදෑසන 10.10 ට දෝහා සිට කටාර් ගුවන් සේවයේ කිව්.ආර්.- 664 දරන ගුවන් යානයෙන් කටුනායක ගුවන් තොටුපොළ වෙත පැමිණ බවයි ගුවන්තොටුපොළ අප වාර්තාකරු පැවසුවේ.
මෙම සම්මානය ශ්‍රී ලංකාවට මෙන් ම සමස්ත ආසියානු – පැසිපික් කලාපයට ම දිනා ගැනීමට හැකි වූ පළමු අවස්ථාව මෙය වීම ද විශේෂත්වයක්.
එක්සත් රාජධානියේ ජාත්‍යන්තර කාර්යාල කළමනාකරණ ආයතනය විසින් මාස 08 ක කාලයක් තුළ සිදු කළ ඇගැයීම්වලින් අනතුරුව ලෝකයේ විවිධ රටවල තරගකාරි අයදුම්කරුවන් 750 දෙනෙකු අතරින් ආචාර්ය සුනේත්‍රා ජයරත්න නුගවෙල මහත්මිය ප්‍රථම ස්ථානයට තෝරා ගැනුණා.
මෙම සම්මානය එංගලන්තයේ ලන්ඩන් නුවර “ග්‍රෑන්ඩ් කෙනාඩ්” හෝටලයේ දී ඉකුත් 20 වැනිදා පැවැත්වුණු බවයි වාර්තා වන්නේ.
ආචාර්ය සුනේත්‍රා ජයරත්න නුගවෙල මහත්මිය පරිපාලක වෘත්තිකයන්ගේ විද්‍යායතනයේ සභාපතිවරයා මෙන් ම ස.ණ.ස.සංවර්ධන බැංකුවේ විධායක ලේකම්වරයා ලෙස ද සේවය කරමින් සිටිනවා.
