20-20 ලෝක කුසලානය දිනූ ජයග්රාහී ඉන්දීය කණ්ඩායම අග්රාමාත්ය නරේන්ද්ර මෝදි ඉරිදා උදෑසන දුරකථනයෙන් අමතා තිබෙනවා.
එහිදී 20-20 ලෝක කුසලානය ජයග්රහණය කිරීම පිළිබඳව සමස්ත කණ්ඩායමට සුබ පැතුම් එක්කර ඇති බවයි වාර්තා වුණේ.
රෝහිත් ෂර්මාගේ විශිෂ්ට නායකත්වයට මෝදි සුබ පතා ඇති අතර, ඔහුගේ විස්සයි විස්ස දිවිය අගය කළ බවයි වැඩිදුරටත් තොරතුරු වාර්තා වන්නේ.
අවසන් මහා තරගයේ දී විරාත් කෝලිගේ ඉනිම මෙන්ම ඉන්දීය ක්රිකට් ක්රීඩාවට ඔහු කළ දායකත්වය පිළිබඳව ද ඔහුට අග්රාමාත්යවරයා ප්රශංසා කර තිබෙනවා.
තරගයේ අවසන් පන්දුවාරය ක්රියාත්මක කළ හර්දික් පාණ්ඩ්යා සහ හතරේ සීමාවේ දී ලබා ගත් විශිෂ්ට උඩපන්දුව වෙනුවෙන් සූර්යකුමාර් යාදව්ව අග්රාමාත්ය මෝදි විසින් මෙහිදී අගයකර ඇති බව සඳහන්.
එමෙන්ම වේග පන්දු යවන ජස්ප්රීට් බුම්රා තරගාවලියේ දී ලබාදුන් විශිෂ්ට දායකත්වය පිළිබඳව ද අග්රාමාත්යවරයා ප්රශංසා කර තිබෙනවා.
මේ අතර එම දුරකථන ඇමතුමේ දී ඉන්දීය ක්රිකට් ක්රීඩාවට කළ දායකත්වය වෙනුවෙන් ප්රධාන පුහුණුකරු රාහුල් ඩ්රාවිඩ්ට ස්තුතිය පුද කිරීමට ද නරේන්ද්ර මෝදි අග්රාමාත්යවරයා කටයුතු කර ඇති බවයි වාර්තා වුණේ.
දකුණු අප්රිකාව පරාජය කරමින් ඉන්දීය කණ්ඩායම සිය දෙවන 20-20 ලෝක කුසලානය ජයග්රහණය කිරීමෙන් පසු අග්රාමාත්ය මෝදි සිය නිල එක්ස් ගිණුමට වීඩියෝ පණිවිඩයක් නිකුත් කරමින් මෙම විශිෂ්ට ජයග්රහණය වෙනුවෙන් මුළු ජාතිය වෙනුවෙන්ම සුබ පැතුම් එක්කර සිටියා.
