ඇමරිකාවේ හමුදා රහස් තොරතුරු රැසක් අනාවරණය කළ විකිලීක්ස් වෙබ් අඩවියේ නිර්මාර්තෘ ජූලියන් අසාන්ජ් එක්සත් රාජධානියේ බන්ධනාගාරයකින් නිදහස් කර තිබෙනවා.
ඇමරිකා එක්සත් ජනපදයේ අභියාචනා ගිවිසුමකට එකඟ වීමෙන් පසුව ඔහු අපරාධ චෝදනාවලට වරද පිළිගෙන නිදහස්ව ඇති බවයි විදෙස් මාධ්ය වාර්තා කළේ.
ජාතික ආරක්ෂක තොරතුරු ලබා ගැනීමට සහ හෙළිකිරීමට කුමන්ත්රණය කිරීම සම්බන්ධයෙන් අසාන්ජ්ට චෝදනා එල්ල වී තිබූ අතර, ඔහු 2019 වසරේ අප්රේල් 11 වැනි දින අත්අඩංගුවට ගෙන පසුගිය වසර 05ක කාලය තුළ බ්රිතාන්යයේ බෙල්මාර්ෂ් බන්ධනාගාරයේ රඳවා සිටියා.
එහි සිට ඔහු යළිත් එක්සත් ජනපදයට පිටුවහල් කිරීමට එරෙහිව සටන් කරමින් සිටියා.
කෙසේ වෙතත් නිදහස හිමිවීමත් සමඟ ඔහු එක්සත් රාජධානියෙන් පිටව ගොස් තිබෙනවා.
එලෙස එක්සත් රාජධානියෙන් පිටත්ව ගොස් ඔහු ඕස්ට්රේලියාවට ගිය බවයි තොරතුරු වාර්තා වන්නේ.
ඉරාක සහ ඇෆ්ගනිස්ථාන යුද්ධ පිළිබඳ රහස් තොරතුරු හෙළිකළ විකිලීක්ස් ලිපිගොනු ජීවිත අනතුරේ හෙළන බවට වසර ගණනාවක සිට එක්සත් ජනපදය තර්ක කරනවා.
