දේව අපහාස චෝදනා එල්ල වූ පාකිස්තාන සංචාරකයෙක් ඝාතනය කළ මැර කල්ලියේ සාමාජිකයින් හඳුනාගෙන අත්අඩංගුවට ගැනීම සඳහා පාකිස්තාන බලධාරීන් පරීක්ෂණයක් ආරම්භ කර තිබෙනවා.
පසුගිය බ්රහස්පතින්දා රාත්රියේ කුරානයේ පිටු පුළුස්සා දැමූ බවට චෝදනා කරමින් මැර පිරිසක් මෙම පුද්ගලයාට පහර දී ඝාතනය කර තිබුණා.
පොලිසිය මුල් අවස්ථාවේ අදාළ පුද්ගලයා මුදාගෙන පොලිස් සථානයක් වෙත රැගෙන විත් තිබෙනවා.
නමුත් පසුව මැර පිරිස් පොලිස් ස්ථානයට ගිනි තබා සැකකරු පැහරගෙන ගොස් ඇති අතර, එහිදී පොලිස් නිලධාරීන් 08 දෙනෙක් ද තුවාල ලැබුවා.
අපහාස කිරීම නීත්යානුකූලව මරණීය දණ්ඩනය ක්රියාත්මක කළ හැකි ඉස්ලාමීය ජනරජයක් වන පකිස්තානයේ මිනිසුන් ඝාතනය කිරීම සාමාන්ය දෙයක්.
පොලිසිය විසින් රොයිටර් වෙත සත්යාපනය කරන ලද නවතම සිදුවීමේ වීඩියෝ දර්ශන, වියරු මැර පිරිසක් නිරුවත් ලේ වැගිරෙන සිරුරක් වීදි දිගේ ඇදගෙන ගොස් ගිනි තබන ආකාරය පෙන්නුම් කළා.
මෙම වීඩියෝ පටය සමාජ මාධ්ය ජාලා ඔස්සේ ප්රචලිත වූ අතර පකිස්තාන පරිශීලකයින් අතර ද දැඩි විරෝධයක් ඇති කර තිබුණා.
ඝාතනයට ලක් වූ පුද්ගලයා හජ් නිවාඩුව වෙනුවෙන් ජනප්රිය සංචාරක ගමනාන්තයක්වන ස්වාත් නිම්නය වෙත පැමිණ ඇති බව පොලිසිය පැවසුවා.
පසුගිය මාසයේ, කුරානයේ පිටු පුළුස්සා දැමීමේ චෝදනාව මත වයස අවුරුදු හැත්තෑ ගණන්වල කිතුනු ජාතිකයෙකු මැර පිරිසක් විසින් පහර දී ඝාතනය කෙරුණා.
මේ අතර 2021 දී, ශ්රී ලාංකික කර්මාන්තශාලා කළමනාකරුවෙකු ද පාකිස්තානයේ දී මෙලෙස ඝාතණය වුණා.
මෙම සිද්ධිය ලොව පුරා කැළඹීමට ලක්වීමෙන් පසු ඝාතනයට සම්බන්ධ පුද්ගලයින් හයදෙනෙකුට මරණ දණ්ඩනය නියම කළා.
