ඉන්දියාවේ බටහිර බෙංගාලයේ අද (17) පෙරවරුවේ සිදු වූ දුම්රිය අනතුරකින් පුද්ගලයින් 16 දෙනෙක් මියගොස් ඇති බව වාර්තා වනවා.
මෙම අනතුරින් තවත් 60 දෙනෙක් පමණ තුවාල ලබා රෝහල් ගතකර ඇති බවයි විදෙස් මාධ්‍ය වාර්තා කළේ.
ඇසෑම් ප්‍රාන්තයේ සිල්චාර් සිට කොල්කටා හි සීල්ඩා දක්වා ධාවනය වෙමින් තිබූ සීඝ්‍රගාමී දුම්රිය රංගපානි දුම්රිය ස්ථානය අසලදී භාණ්ඩ ප්‍රවාහන දුම්රියක ගැටීමෙන් මෙම අනතුර සිදුව තිබෙනවා.
අනතුරින් පසු ශීඝ්‍රගාමී දුම්රියේ අවසන් දුම්රිය මැදිරි 03 පීලි පැනීම හේතුවෙන් තවත් විශාල පිරිසක් පීඩාවට පත්ව ඇති බවයි වාර්තා වන්නේ.
මේ අතර මෙම දුම්රිය අනතුරින් ජීවිතක්ෂයට පත්වූ පුද්ගලයින්ට ඉන්දීය අග්‍රාමාත්‍ය නරේන්ද්‍ර මෝදි සිය ශෝකය පළකර අහි අතර, තුවාල ලැබූවන්ට ඉක්මන් සුවය ප්‍රාර්ථනා කර තිබෙනවා.
එමෙන්ම මියගිය අයෙක් වෙනුවෙන් ඉන්දීය රුපියල් ලක්ෂ 02ක මුදලක් සහ තුවාල ලැබූ අයෙක් වෙනුවෙන් ඉන්දීය රුපියල් 50,000ක වන්දි මුදලක් පිරිනැමීමට ඉන්දීය රජය තීරණය කර ඇති බව විදෙස් මාධ්‍ය වැඩිදුරටත් තොරතුරු වාර්තා කරනවා.
