ශ්‍රී ලංකාව සඳහා වූ ජාත්‍යන්තර මූල්‍ය අරමුදලේ විස්තීර්ණ ණය පහසුකම් දෙවැනි ඇගයීම සහ ‘ආටිකල් iv’ උපදේශනයට අදාළ ව එහි ජ්‍යේෂ්ඨ නියෝජිතයින් පිරිසක් පවත්වන විශේෂ ප්‍රවෘත්ති සාකච්ඡාව මේ වනවිට (14) පැවැත්වෙනවා.
IMF හි ශ්‍රී ලංකා නියෝජිත කණ්ඩායමේ ජ්‍යෙෂ්ඨ ප්‍රධානී පීටර් බෘෘවර්ගේ ප්‍රධානත්වයෙනුයි මෙම සාකච්ඡාව පැවැත්වෙන්නේ.
පෙරේදා දිනයේ දී ජාත්‍යන්තර මූල්‍ය අරමුදල විස්තීරණ ණය මුදල යටතේ ලබාදෙන තෙවැනි ණය වාරිකය ශ්‍රී ලංකාව වෙනුවෙන් අනුමත වීමක් සිදු වුණා.
එය මුදලින් අමෙරිකානු ඩොලර් මිලියන 336ක්.
ආර්ථික අර්බුදයෙන් මිදීම සඳහා ශ්‍රී ලංකාව ජාත්‍යන්තර මූල්‍ය අරමුදලේ උපදෙස් පරිදි සවිමත් ආර්ථිකයක් කරා ගෙන යන නව වැඩපිළිවෙළ ද එහි දී ජාත්‍යන්තරයේ ඇගයීමට ලක් වුණා.
මේ අතර අද පැවති ප්‍රවෘත්ති සාකච්ඡාවේ දී බෘෘවර් මහතා පෙන්වා දුන්නේ ශ්‍රී ලංකාවේ ඉදිරියේ දී මැතිවරණයක් පැවැත්වීම ජාත්‍යන්තර මූල්‍ය අරමුදලට ගැටලුවක් නොවන බවයි.
එය ඕනෑම රටක නිශ්චිත කාලසීමාවක දී ප්‍රජාතන්ත්‍රවාදී අයුරින් පැවැත්වීම ජාත්‍යන්තර මූල්‍ය අරමුදල ද අනුමත කරන බව හෙතෙම පෙන්වාදුන්නා.
නමුත් මැතිවරණයක් ශ්‍රී ලංකාවේ නුදුරේ දී පැවැත්වෙන්නේ නම්; අනිවාර්‍යෙයෙන් ම IMF වැඩසටහනේ කාල රාමුවට බලපාන හෙයින් අදාළ බලධාරීන් සමග එක් ව ඊට අවශ්‍ය කාල රාමුවක් සැකසිය යුතු බවයි බෘෘවර් මහතා වැඩිදුරටත් අවධාරණය කළේ.
